مسند أبي يعلى الموصلي

حَدَّثَنَا عَبْدُ الْأَعْلَى ، حَدَّثَنَا عُثْمَانُ بْنُ عُمَرَ ، حَدَّثَنَا عُثْمَانُ بْنُ مُرَّةَ ، عَنِ الْقَاسِمِ ، قَالَ : قَالَتْ عَائِشَةُ : اشْتَرَيْتُ لِرَسُولِ اللهِ - صَلَّى اللهُ عَلَيْهِ وَسَلَّمَ - نُمْرُقَةً ، فَأَلْقَيْتُهَا لَهُ ، فَكَأَنَّهُ كَرِهَ ذَلِكَ ، فَقَالَتْ عَائِشَةُ : أَعُوذُ بِاللهِ مِنْ سُخْطِ اللهِ وَسُخْطِ رَسُولِهِ ، فَقَالَ : مَا هَذِهِ يَا عَائِشَةُ ؟ فَقَالَتْ : إِذَا دَخَلَ عَلَيْكَ دَاخِلٌ أَوْ جَاءَكَ وَفْدٌ ، فَقَالَ : يَا عَائِشَةُ ، إِنَّ أَصْحَابَ هَذِهِ الصُّوَرِ يُعَذَّبُونَ عَذَابًا لَا يُعَذَّبُهُ أَحَدٌ مِنَ الْعَالَمِينَ ، يُقَالُ لَهُمْ : أَحْيُوا مَا خَلَقْتُمْ .

القاسم رحمہ اللہ سے روایت ہے کہ سیدہ عائشہ رضی اللہ عنہا نے بیان فرمایا کہ ”میں نے رسول اللہ ﷺ کے لیے ایک چھوٹا تکیہ (گاؤ تکیہ) خریدا اور اسے آپ ﷺ کے لیے رکھ دیا، مگر آپ ﷺ کے روئے مبارک سے ایسا لگا جیسے آپ ﷺ نے اسے ناپسند فرمایا ہے، تو میں نے عرض کیا: «أَعُوذُ بِاللَّهِ مِنْ سُخْطِ اللَّهِ وَسُخْطِ رَسُولِهِ» ”میں اللہ کی ناراضی اور اس کے رسول کی ناراضی سے اللہ کی پناہ مانگتی ہوں“، رسول اللہ ﷺ نے دریافت فرمایا: ”اے عائشہ! یہ کیا ہے؟“، میں نے عرض کیا: (میں نے اسے اس لیے رکھا ہے کہ) جب کوئی آنے والا آپ کے پاس آئے یا کوئی وفد حاضر ہو (تو وہ اس پر تشریف فرما ہوں)، اس پر آپ ﷺ نے ارشاد فرمایا: ”اے عائشہ! یقیناً ان تصویروں کو بنانے والوں کو ایسا عذاب دیا جائے گا جو جہانوں میں سے کسی اور کو نہیں دیا گیا ہوگا، اور ان سے کہا جائے گا کہ جو تم نے پیدا کیا (بنایا) ہے اسے زندہ کرو“۔“