مسند أبي يعلى الموصلي

حَدَّثَنَا أَبُو بَكْرِ بْنُ أَبِي شَيْبَةَ، حَدَّثَنَا عَبْدُ اللَّهِ بْنُ نُمَيْرٍ، عَنْ مُحَمَّدِ بْنِ إِسْمَاعِيلَ، عَنْ عُمَارَةَ بْنِ عَاصِمٍ قَالَ: دَخَلْتُ عَلَى أَنَسِ بْنِ مَالِكٍ بَيْتَهُ فَسَأَلْتُهُ عَنِ النَّبِيذِ؟ فَقَالَ: «نَهَى رَسُولُ اللَّهِ صلى الله عليه وسلم عَنِ الدُّبَّاءِ وَالْمُزَفَّتِ»، قُلْتُ: وَالْحَنْتَمُ؟ فَأَعَادَهَا عَلَيَّ، قُلْنَا: مَا الْحَنْتَمُ؟ قَالَ: الْجَرُّ الْأَخْضَرُ، قَالَ أَنَسُ بْنُ مَالِكٍ: يَا جَارِيَةُ، ائْتِنِي بِذَاكَ الْجَرِّ الْأَخْضَرِ، فَأَتَتْهُ بِجَرٍّ، فَصَبَّ لِي فِيهِ قَدَحَ نَبِيذٍ فَشَرِبْتُهُ، ثُمَّ قَالَ: مَا رَأَيْتُ جَرًّا أَخْضَرَ حَتَّى ذَهَبَ رَسُولُ اللَّهِ صلى الله عليه وسلم، وَلَكِنَّ الْحَنْتَمَ جِرَارٌ خُضْرٌ كَانَتْ تَأْتِينَا مِنْ مِصْرَ، ثُمَّ أَتَتْهُ الْجَارِيَةُ فَقَالَتِ: الصَّلَاةَ، أَصْلَحَكَ اللَّهُ، قَالَ: أَيُّ الصَّلَاةِ؟ قَالَتْ: صَلَاةُ الْعَصْرِ، فَقُلْتُ: قَدْ صَلَّيْتُهَا قَبْلَ أَنْ أَدْخُلَ إِلَيْكِ، قَالَ: اسْتَأْخِرِي عَنِّي، لَمْ تَأْتِ الْعَصْرُ بَعْدُ، ثُمَّ رَاجَعَتْهُ، فَقَالَ لَهَا مِثْلَ قَوْلِهِ الْأَوَّلِ، ثُمَّ رَاجَعَتْهُ فَقَالَتْ لَهُ، فَقَالَ: قَدْ سَمِعْتُ مَا قُلْتِ، نَاوِلِينِي وَضُوءًا فَإِنَّ النَّاسَ يُصَلُّونَ هَذِهِ الصَّلَاةَ قَبْلَ وَقْتِهَا، ثُمَّ صَلَّى

عمارہ بن عاصم رحمہ اللہ بیان کرتے ہیں کہ میں سیدنا انس بن مالک رضی اللہ عنہ کے گھر حاضر ہوا اور ان سے نبیذ کے بارے میں دریافت کیا۔ انہوں نے فرمایا: رسول اللہ ﷺ نے کدو کی تُنبی اور روغنِ قیر لگے ہوئے برتن کے استعمال سے منع فرمایا ہے۔ میں نے عرض کیا: اور حنتم کا کیا حکم ہے؟ انہوں نے اپنی بات پھر دہرائی۔ ہم نے پوچھا: حنتم کیا ہے؟ انہوں نے فرمایا: سبز مٹکا۔ پھر سیدنا انس رضی اللہ عنہ نے اپنی خادمہ سے فرمایا: وہ سبز مٹکا لے آؤ۔ وہ ایک مٹکا لے آئی، تو انہوں نے میرے لیے اس میں نبیذ کا ایک پیالہ انڈیلا جسے میں نے پی لیا۔ پھر فرمایا: میں نے رسول اللہ ﷺ کی وفات تک کوئی سبز مٹکا نہیں دیکھا تھا، البتہ حنتم وہ سبز مٹکے تھے جو ہمارے پاس مصر سے آتے تھے۔ پھر خادمہ نے آکر کہا: اللہ آپ کی اصلاح فرمائے، نماز کا وقت ہوگیا ہے۔ انہوں نے پوچھا: کون سی نماز؟ اس نے کہا: عصر کی نماز۔ میں نے عرض کیا: میں تو آپ کے پاس آنے سے پہلے ہی عصر پڑھ چکا ہوں۔ سیدنا انس رضی اللہ عنہ نے خادمہ سے فرمایا: مجھ سے دور ہوجاؤ، ابھی عصر کا وقت نہیں ہوا۔ اس نے دوبارہ عرض کیا تو انہوں نے وہی جواب دیا۔ جب اس نے پھر عرض کیا تو انہوں نے فرمایا: میں نے تمہاری بات سن لی ہے، مجھے وضو کا پانی دو؛ لوگ یہ نماز اس کے وقت سے پہلے پڑھتے ہیں۔ پھر انہوں نے نماز پڑھی۔