مسند أبي يعلى الموصلي
مسند أنس بن مالك— انس بن مالک کی مرویات کا بیان۔
مُسْنَدُ أَنَسِ بْنِ مَالِكٍ باب: انس بن مالک کی مرویات کا بیان۔
حدیث نمبر: 4084
حَدَّثَنَا إِبْرَاهِيمُ بْنُ مُحَمَّدِ بْنِ عَرْعَرَةَ ، حَدَّثَنَا مُعْتَمِرٌ ، عَنْ أَبِيهِ ، قَالَ : سَمِعْتُ أَنَسًا ، أَنَّ النَّبِيَّ - صَلَّى اللهُ عَلَيْهِ وَسَلَّمَ - لَيْلَةَ أُسْرِيَ بِهِ مَرَّ بِمُوسَى وَهُوَ يُصَلِّي فِي قَبْرِهِ ، قَالَ أَنَسٌ : ذَكَرَ أَنَّهُ حُمِلَ عَلَى الْبُرَاقِ فَأَوْثَقَ الدَّابَّةَ ، أَوْ قَالَ : الْفَرَسَ ، فَقَالَ أَبُو بَكْرٍ : صِفْهَا لِي ، فَقَالَ رَسُولُ اللهِ - صَلَّى اللهُ عَلَيْهِ وَسَلَّمَ - : .... وَذَكَرَ كَلِمَةً ، فَقَالَ : أَشْهَدُ أَنَّكَ رَسُولُ اللهِ ، وَكَانَ أَبُو بَكْرٍ قَدْ رَآهَا .
ترجمہ
سیدنا انس بن مالک رضی اللہ عنہ سے روایت ہے کہ معراج کی رات نبی کریم ﷺ سیدنا موسیٰ علیہ السلام کے پاس سے گزرے جبکہ وہ اپنی قبر میں نماز پڑھ رہے تھے۔ نیز ذکر کیا گیا کہ آپ ﷺ کو براق پر سوار کیا گیا اور آپ ﷺ نے اسے باندھ دیا۔ پھر سیدنا ابوبکر صدیق رضی اللہ عنہ نے عرض کیا: ”اس سواری کی صفت میرے سامنے بیان فرمائیے۔“ رسول اللہ ﷺ نے اس کی ایک خاص صفت بیان فرمائی تو سیدنا ابوبکر رضی اللہ عنہ نے عرض کیا: ”میں گواہی دیتا ہوں کہ بے شک آپ اللہ کے رسول ہیں۔“ سیدنا ابوبکر رضی اللہ عنہ اس سواری کو پہلے دیکھ چکے تھے۔