مسند أبي يعلى الموصلي

حَدَّثَنَا وَهْبٌ ، أَخْبَرَنَا خَالِدٌ ، عَنْ حُمَيْدٍ ، عَنْ أَنَسٍ ، أَنَّ ثَابِتَ بْنَ قَيْسٍ خَطَبَ مَقْدَمَ رَسُولِ اللهِ صَلَّى اللهُ عَلَيْهِ وَسَلَّمَ ، فَقَالَ : إِنَّا نَمْنَعُكَ مِمَّا نَمْنَعُ مِنْهُ أَنْفُسَنَا وَأَوْلَادَنَا ، فَمَا لَنَا يَا رَسُولَ اللهِ ؟ قَالَ : لَكُمُ الْجَنَّةُ ، قَالُوا : رَضِينَا .

سیدنا انس رضی اللہ عنہ سے روایت ہے کہ سیدنا ثابت بن قیس رضی اللہ عنہ نے رسول اللہ ﷺ کی تشریف آوری کے موقع پر خطبہ دیتے ہوئے عرض کیا: ”بلاشبہ ہم آپ کی ان تمام خطرات سے حفاظت کریں گے جن سے ہم اپنی جانوں اور اپنی اولاد کا دفاع کرتے ہیں، تو اے اللہ کے رسول ﷺ! (اس جاں نثاری کے صلے میں) ہمارے لیے کیا اجر ہے؟“ آپ ﷺ نے ارشاد فرمایا: ”تمہارے لیے جنت ہے“، صحابہ کرام رضی اللہ عنہم نے عرض کیا: ”ہم (اس پر) راضی ہیں۔“