مسند أبي يعلى الموصلي

وَعَنْ أَنَسٍ ، أَنَّ النَّبِيَّ صَلَّى اللهُ عَلَيْهِ وَسَلَّمَ خَرَجَ ذَاتَ يَوْمٍ وَقَدْ عَصَبَ رَأْسَهُ ، فَلَقِيَهُ رِجَالٌ مِنَ الْأَنْصَارِ فَقَالَ : وَالَّذِي نَفْسِي بِيَدِهِ إِنِّي لَأُحِبُّكُمْ ، إِنَّ الْأَنْصَارَ قَدْ قَضَوُا الَّذِي عَلَيْهِمْ وَبَقِيَ الَّذِي عَلَيْكُمْ ، فَاقْبَلُوا مِنْ مُحْسِنِهِمْ وَتَجَاوَزُوا عَنْ مُسِيئِهِمْ .

سیدنا انس رضی اللہ عنہ سے روایت ہے کہ نبی کریم ﷺ ایک روز اس حال میں باہر تشریف لائے کہ آپ ﷺ نے اپنے سرِ مبارک پر پٹی باندھی ہوئی تھی، پس انصار کے کچھ افراد آپ ﷺ سے ملے تو آپ ﷺ نے ارشاد فرمایا: ”اس ذات کی قسم جس کے قبضۂ قدرت میں میری جان ہے! یقیناً میں تم سے محبت کرتا ہوں، بلاشبہ انصار نے وہ (ذمہ داری) پوری کر دی ہے جو ان پر واجب تھی اور اب وہ (حقوق) باقی رہ گئے ہیں جو تمہارے ذمے (ان کے متعلق) ہیں، لہٰذا ان میں سے جو نیکی کرنے والے ہوں ان کی نیکی کو قبول کرو اور ان کے خطا کاروں سے درگزر سے کام لو۔“