مسند أبي يعلى الموصلي

حَدَّثَنَا عَبْدُ الْأَعْلَى ، حَدَّثَنَا خَالِدُ بْنُ عَبْدِ اللهِ ، عَنْ عَبْدِ اللهِ بْنِ عَبْدِ الرَّحْمَنِ ، عَنْ أَنَسِ بْنِ مَالِكٍ ، قَالَ : حُلِبَ لِرَسُولِ اللهِ صَلَّى اللهُ عَلَيْهِ وَسَلَّمَ شَاةٌ ، فَأُتِيَ بِلَبَنِهَا ، قَالَ : فَدَعَا بِمَاءٍ فَصَبَّهُ عَلَى اللَّبَنِ ، فَشَرِبَ ، وَعُمَرُ مُوَاجِهُهُ ، وَأَبُو بَكْرٍ عَنْ يَسَارِهِ ، وَأَعْرَابِيٌّ عَنْ يَمِينِهِ ، قَالَ : فَقَالَ عُمَرُ : أَبُو بَكْرٍ عِنْدَكَ ، قَالَ : فَقَالَ : الْأَيْمَنُونَ ، فَنَاوَلَهَا الْأَعْرَابِيَّ .

سیدنا انس بن مالک رضی اللہ عنہ سے روایت ہے کہ رسول اللہ ﷺ کے لیے ایک بکری کا دودھ دوہا گیا اور وہ آپ ﷺ کی خدمت میں پیش کیا گیا، آپ ﷺ نے پانی طلب فرما کر اسے دودھ میں شامل کیا اور اسے نوش فرمایا۔ اس وقت سیدنا عمر رضی اللہ عنہ آپ ﷺ کے سامنے تشریف فرما تھے، سیدنا ابوبکر رضی اللہ عنہ آپ ﷺ کی بائیں جانب اور ایک اعرابی آپ ﷺ کی دائیں جانب موجود تھا۔ سیدنا عمر رضی اللہ عنہ نے (توجہ دلاتے ہوئے) عرض کیا: ”(یا رسول اللہ!) ابوبکر (رضی اللہ عنہ) آپ کے پاس (تشریف فرما) ہیں۔“ تو آپ ﷺ نے یہ ارشاد فرماتے ہوئے کہ ”«الْأَيْمَنُونَ»“ ”دائیں طرف والے (پہلے حق دار ہیں)“ وہ پیالہ اس اعرابی کو عطا فرما دیا۔