مسند أبي يعلى الموصلي

حَدَّثَنَا عُبَيْدُ اللهِ ، حَدَّثَنَا حَمَّادُ بْنُ زَيْدٍ ، حَدَّثَنَا عَلِيُّ بْنُ زَيْدٍ ، عَنْ عَبْدِ اللهِ بْنِ الْحَارِثِ ، أَنَّ أَبَاهُ صَنَعَ لِعُثْمَانَ بْنِ عَفَّانَ نُزُلًا بِقُدَيْدٍ ، فَجِيءَ بِثَرِيدٍ عَلَيْهِ ذَلِكَ الْحَجَلُ ، فَقَالَ لِلْقَوْمِ : كُلُوا ، فَإِنَّمَا أُصِيبَتْ مِنْ أَجْلِي ، قَالَ : فَقَالَ الْقَوْمُ : هَذَا عَلِيٌّ نَهَانَا عَنْ أَكْلِهِ ، فَأَرْسَلَ إِلَى عَلِيٍّ فَجَاءَ وَإِنَّهُ لَيَمْسَحُ الْخَبَطَ عَنْ يَدَيْهِ ، فَقَالَ لَهُ عُثْمَانُ : كُلْهُ ، فَقَالَ ، يَعْنِي عَلِيًّا : أَنْشُدُ اللهَ رَجُلًا شَهِدَ رَسُولَ اللهِ صَلَّى اللهُ عَلَيْهِ وَسَلَّمَ حَيْثُ جَاءَ الْأَعْرَابِيُّ بِرِجْلِ حِمَارِ وَحْشٍ ، فَرَدَّهُ رَسُولُ اللهِ صَلَّى اللهُ عَلَيْهِ وَسَلَّمَ ، وَقَالَ : اذْهَبْ إِلَى أَهْلِ الْحِلِّ فَإِنَّا حُرُمٌ ، أَوْ كَمَا قَالَ ، فَقَامَ نَاسٌ وَشَهِدُوا ، ثُمَّ قَالَ : أَنْشُدُ اللهَ - أَوْ قَالَ : أُذَكِّرُ اللهَ - رَجُلًا شَهِدَ رَسُولَ اللهِ صَلَّى اللهُ عَلَيْهِ وَسَلَّمَ حِينَ جَاءَهُ الْأَعْرَابِيُّ بِبَيْضَاتِ نَعَامٍ ، فَقَالَ رَسُولُ اللهِ صَلَّى اللهُ عَلَيْهِ وَسَلَّمَ : اذْهَبْ بِهِ إِلَى أَهْلِ الْحِلِّ فَإِنَّا قَوْمٌ مُحْرِمُونَ ، فَقَامَ قَوْمٌ شَهِدُوا ، فَقَلَبَ عُثْمَانُ وَرِكَهُ فَدَخَلَ مَنْزِلَهُ ، وَقَامَ الْقَوْمُ عَنِ الطَّعَامِ ، فَجَاءَ أَهْلُ الْحِلِّ فَأَكَلُوهُ .

سیدنا الحارث (رضی اللہ عنہ) سے روایت ہے کہ انہوں نے مقامِ قدید پر سیدنا عثمان بن عفان (رضی اللہ عنہ) کے لیے ضیافت کا اہتمام کیا، پس ثرید لایا گیا جس پر تیتر کا گوشت تھا، تو سیدنا عثمان (رضی اللہ عنہ) نے حاضرین سے فرمایا: ”تم اسے کھاؤ کیونکہ یہ شکار میرے ہی لیے کیا گیا ہے“، راوی کہتے ہیں کہ لوگوں نے کہا: ”یہ سیدنا علی (رضی اللہ عنہ) ہیں جو ہمیں اسے کھانے سے روکتے ہیں“، چنانچہ سیدنا عثمان (رضی اللہ عنہ) نے سیدنا علی (رضی اللہ عنہ) کی طرف پیغام بھیجا تو وہ تشریف لائے جبکہ وہ اپنے ہاتھوں سے درختوں کے پتے جھاڑ رہے تھے، سیدنا عثمان (رضی اللہ عنہ) نے ان سے کہا: ”آپ اسے کھائیں“، تو سیدنا علی (رضی اللہ عنہ) نے فرمایا: ”میں اس شخص کو اللہ کا واسطہ دے کر پوچھتا ہوں جس نے رسول اللہ ﷺ کو اس وقت دیکھا ہو جب ایک اعرابی گورخر کی ایک ٹانگ لے کر آیا تھا تو رسول اللہ ﷺ نے اسے واپس کر دیا تھا اور فرمایا تھا: «اذْهَبْ إِلَى أَهْلِ الْحِلِّ فَإِنَّا حُرُمٌ» ”اسے ان لوگوں کے پاس لے جاؤ جو حالتِ احرام میں نہیں ہیں کیونکہ ہم تو احرام کی حالت میں ہیں“، یا جیسا آپ ﷺ نے ارشاد فرمایا، تو کچھ لوگ کھڑے ہوئے اور انہوں نے اس پر گواہی دی، پھر سیدنا علی (رضی اللہ عنہ) نے فرمایا: ”میں اللہ کا واسطہ دیتا ہوں“ یا فرمایا: ”میں اللہ کی یاد دلاتا ہوں اس شخص کو جس نے رسول اللہ ﷺ کو اس وقت دیکھا ہو جب ایک اعرابی شتر مرغ کے کچھ انڈے لایا تھا تو رسول اللہ ﷺ نے فرمایا تھا: «اذْهَبْ بِهِ إِلَى أَهْلِ الْحِلِّ فَإِنَّا قَوْمٌ مُحْرِمُونَ» ”اسے ان لوگوں کے پاس لے جاؤ جو حلال ہیں (یعنی حالتِ احرام میں نہیں ہیں) کیونکہ ہم تو احرام والے لوگ ہیں“، پس کچھ لوگ کھڑے ہوئے اور انہوں نے گواہی دی، یہ دیکھ کر سیدنا عثمان (رضی اللہ عنہ) نے اپنا رخ موڑ لیا اور اپنے ڈیرے میں داخل ہو گئے، جبکہ دیگر لوگ بھی کھانے سے اٹھ گئے اور پھر وہ لوگ آئے جو حالتِ احرام میں نہ تھے اور انہوں نے اسے کھایا۔