مسند أبي يعلى الموصلي

حَدَّثَنَا عُبَيْدُ اللهِ ، حَدَّثَنَا فُضَيْلُ بْنُ سُلَيْمَانَ النُّمَيْرِيُّ ، حَدَّثَنَا أَبُو حَازِمٍ ، حَدَّثَنَا سَهْلُ بْنُ سَعْدٍ ، قَالَ : قَالَ رَسُولُ اللهِ صَلَّى اللهُ عَلَيْهِ وَسَلَّمَ : لَأُعْطِيَنَّ الرَّايَةَ غَدًا رَجُلًا يَفْتَحُ اللهُ عَلَى يَدَيْهِ ، قَالَ : فَغَدَا النَّاسُ إِلَى رَسُولِ اللهِ صَلَّى اللهُ عَلَيْهِ وَسَلَّمَ ، كُلُّهُمْ يَرْجُو أَنْ يُعْطِيَهُ الرَّايَةَ ، قَالَ : أَيْنَ عَلِيُّ بْنُ أَبِي طَالِبٍ ؟ قَالُوا : هُوَ شَاكِي الْعَيْنِ يَا رَسُولَ اللهِ ، قَالَ : ادْعُوهُ ، فَجِيءَ بِهِ فَبَصَقَ فِي عَيْنِهِ وَدَعَا لَهُ فَبَرَأَ ، ثُمَّ أَعْطَاهُ الرَّايَةَ ، ثُمَّ قَالَ : ادْعُ عَلِيًّا ، فَجَاءَ ، ثُمَّ قَالَ : يَا عَلِيُّ ، لَا تَلْتَفِتْ حَتَّى تَنْزِلَ بِالْقَوْمِ فَتَدْعُوَهُمْ ، فَقَالَ : يَا رَسُولَ اللهِ ، أَنُقَاتِلُهُمْ حَتَّى يَقُولُوا : لَا إِلَهَ إِلَّا اللهُ ؟ قَالَ : عَلَى رِسْلِكَ ، إِذَا جِئْتَهُمْ فَادْعُهُمْ إِلَى اللهِ ، فَوَاللهِ لَأَنْ يُسْلِمَ رَجُلٌ عَلَى يَدَيْكَ خَيْرٌ لَكَ مِنْ أَنْ يَكُونَ لَكَ حُمْرُ النَّعَمِ .

سیدنا سہل بن سعد رضی اللہ عنہ سے روایت ہے کہ رسول اللہ ﷺ نے ارشاد فرمایا: ”میں کل یہ جھنڈا یقیناً ایک ایسے شخص کو عطا کروں گا جس کے ہاتھوں اللہ تعالیٰ فتح نصیب فرمائے گا۔“ راوی بیان کرتے ہیں کہ اگلی صبح تمام لوگ رسول اللہ ﷺ کی بارگاہ میں حاضر ہوئے اور ان میں سے ہر ایک یہی امید کر رہا تھا کہ جھنڈا اسے ہی ملے گا، تب آپ ﷺ نے دریافت فرمایا: ”علی بن ابی طالب کہاں ہیں؟“ صحابہ نے عرض کیا: اے اللہ کے رسول! ان کی آنکھیں دکھ رہی ہیں (آشوبِ چشم ہے)۔ آپ ﷺ نے فرمایا: ”انہیں بلا کر لاؤ۔“ چنانچہ انہیں لایا گیا تو آپ ﷺ نے ان کی آنکھوں میں اپنا لعابِ دہن مبارک ڈالا اور ان کے حق میں دعا فرمائی جس سے وہ فوری تندرست ہو گئے، پھر آپ ﷺ نے علم (جھنڈا) انہیں تھما دیا۔ بعد ازاں آپ ﷺ نے فرمایا: ”علی کو بلاؤ“، وہ آئے تو آپ ﷺ نے ہدایت فرمائی: ”اے علی! مڑ کر نہ دیکھنا یہاں تک کہ تم ان لوگوں کے پاس پہنچ جاؤ اور انہیں دعوت دو۔“ سیدنا علی رضی اللہ عنہ نے دریافت کیا: اے اللہ کے رسول! کیا میں ان سے اس حد تک قتال کروں کہ وہ «لَا إِلَهَ إِلَّا اللَّهُ» ”اللہ کے سوا کوئی معبودِ برحق نہیں“ کہہ دیں؟ آپ ﷺ نے فرمایا: ”پورے وقار کے ساتھ چلتے رہو، جب تم ان کے پاس پہنچو تو انہیں اللہ کی طرف دعوت دو؛ اللہ کی قسم! اگر اللہ تمہارے ذریعے ایک آدمی کو بھی ہدایت دے دے تو یہ تمہارے لیے سرخ اونٹوں (کی عظیم دولت) سے بھی بہتر ہے۔“