مسند أبي يعلى الموصلي

حَدَّثَنَا عَبْدُ الْأَعْلَى ، حَدَّثَنَا عَفَّانُ ، حَدَّثَنَا حَمَّادٌ ، حَدَّثَنَا هِشَامُ بْنُ عُرْوَةَ ، عَنْ أَبِيهِ ، عَنْ عَائِشَةَ ، وَثَابِتٍ ، عَنْ أَنَسٍ ، عَنِ النَّبِيِّ صَلَّى اللهُ عَلَيْهِ وَسَلَّمَ سَمِعَ أَصْوَاتًا ، فَقَالَ : مَا هَذِهِ الْأَصْوَاتُ ؟ قَالُوا : النَّخْلُ يَأْبُرُونَهُ ، فَقَالَ : لَوْ لَمْ يَفْعَلُوا لَصَلَحَ ، قَالَ : فَأَمْسَكُوا فَلَمْ يَأْبُرُوا عَامَهُمْ ، فَصَارَ شِيصًا ، فَذُكِرَ ذَلِكَ لِلنَّبِيِّ صَلَّى اللهُ عَلَيْهِ وَسَلَّمَ فَقَالَ : إِذَا كَانَ مِنْ أَمْرِ دُنْيَاكُمْ فَشَأْنَكُمْ ، وَإِذَا كَانَ شَيْءٌ مِنْ أَمْرِ دِينِكُمْ فَإِلَيَّ .

سیدہ عائشہ رضی اللہ عنہا اور سیدنا انس رضی اللہ عنہ سے روایت ہے کہ نبی کریم ﷺ نے کچھ آوازیں سنیں تو دریافت فرمایا: ”یہ کیسی آوازیں ہیں؟“ لوگوں نے عرض کی کہ یہ کھجور کے درخت ہیں جنہیں لوگ پیوند لگا رہے (یعنی گابھا دے رہے) ہیں، تو آپ ﷺ نے ارشاد فرمایا: ”اگر وہ ایسا نہ کریں تو بھی یہ درست رہتیں۔“ راوی کہتے ہیں کہ پھر لوگوں نے اس عمل سے ہاتھ روک لیا اور اس سال پیوند کاری نہیں کی، جس کے نتیجے میں کھجوریں ردی اور خراب ہو گئیں، چنانچہ جب اس بات کا تذکرہ نبی کریم ﷺ سے کیا گیا تو آپ ﷺ نے ارشاد فرمایا: ”اگر تمہاری دنیا کے معاملات میں سے کوئی معاملہ ہو تو تم اسے خود (بہتر) جانتے ہو، اور اگر تمہارے دین کے امور میں سے کوئی بات ہو تو پھر وہ میری طرف (رجوع کے لیے) ہے۔“