مسند أبي يعلى الموصلي
مسند أنس بن مالك— انس بن مالک کی مرویات کا بیان۔
مُسْنَدُ أَنَسِ بْنِ مَالِكٍ باب: انس بن مالک کی مرویات کا بیان۔
حَدَّثَنَا الْحَسَنُ بْنُ عُمَرَ بْنِ شَقِيقٍ الْجَرْمِيُّ ، حَدَّثَنَا جَعْفَرٌ ، عَنْ ثَابِتٍ - قَالَ : أَحْسِبُهُ - عَنْ أَنَسٍ ، قَالَ : دَخَلَ رَسُولُ اللهِ صَلَّى اللهُ عَلَيْهِ وَسَلَّمَ عَلَى رَجُلٍ مِنَ الْأَنْصَارِ يَعُودُهُ ، فَوَافَقَهُ وَهُوَ فِي الْمَوْتِ فَسَلَّمَ عَلَيْهِ فَقَالَ : كَيْفَ تَجِدُكَ يَا فُلَانُ ؟ قَالَ : بِخَيْرٍ يَا رَسُولَ اللهِ ، أَرْجُو اللهَ وَأَخَافُ ذُنُوبِي ، فَقَالَ رَسُولُ اللهِ صَلَّى اللهُ عَلَيْهِ وَسَلَّمَ : لَمْ يَجْتَمِعَا فِي قَلْبِ رَجُلٍ عِنْدَ هَذَا الْمَوْطِنِ إِلَّا أَعْطَاهُ اللهُ مَا رَجَاهُ ، وَآمَنَهُ مِمَّا خَافَ .
سیدنا انس رضی اللہ عنہ سے روایت ہے (اور امام ثابت رحمہ اللہ کا خیال ہے کہ انہوں نے یہ روایت سیدنا انس رضی اللہ عنہ سے ہی سنی) کہ رسول اللہ ﷺ انصار کے ایک شخص کی عیادت کے لیے تشریف لائے تو انہیں حالتِ نزع میں پایا، آپ ﷺ نے انہیں سلام کیا اور دریافت فرمایا: «كَيْفَ تَجِدُكَ يَا فُلَانُ؟» ”اے فلاں! تم اپنے آپ کو کیسا محسوس کر رہے ہو؟“ انہوں نے عرض کیا: اے اللہ کے رسول ﷺ! میں خیر کے ساتھ ہوں، میں اللہ تعالیٰ سے (اس کی رحمت کی) امید رکھتا ہوں اور اپنے گناہوں سے ڈر رہا ہوں، تو رسول اللہ ﷺ نے ارشاد فرمایا: «لَمْ يَجْتَمِعَا فِي قَلْبِ رَجُلٍ عِنْدَ هَذَا الْمَوْطِنِ إِلَّا أَعْطَاهُ اللَّهُ مَا رَجَاهُ، وَآمَنَهُ مِمَّا خَافَ» ”اس (موت کے) مقام پر جس بندے کے دل میں یہ دونوں کیفیات (خوف اور امید) جمع ہو جائیں تو اللہ تعالیٰ اسے وہ مراد عطا فرما دیتا ہے جس کی وہ امید رکھتا ہے اور اسے اس چیز سے امان دے دیتا ہے جس کا اسے ڈر ہوتا ہے“۔