مسند أبي يعلى الموصلي

حَدَّثَنَا عُبَيْدُ اللَّهِ، حَدَّثَنَا يَزِيدُ بْنُ زُرَيْعٍ، عَنْ سَعِيدٍ، عَنْ قَتَادَةَ، عَنْ أَنَسٍ، قَالَ: نَزَلَتْ هَذِهِ الْآيَةُ عَلَى النَّبِيِّ صلى الله عليه وسلم مَرْجِعَهُ مِنَ الْحُدَيْبِيَةِ، أُنْزِلَتْ وَأَصْحَابُهُ مُخَالِطُو الْحُزْنِ، وَحِيلَ بَيْنَهُمْ وَبَيْنَ نُسُكِهِمْ، فَنَحَرُوا الْهَدْيَ بِالْحُدَيْبِيَةِ، فَلَمَّا نَزَلَتْ هَذِهِ الْآيَةُ قَالَ لِأَصْحَابِهِ: «لَقَدْ نَزَلَتْ عَلَيَّ آيَةٌ هِيَ أَحَبُّ إِلَيَّ مِنَ الدُّنْيَا جَمِيعًا» فَلَمَّا تَلَاهَا نَبِيُّ اللَّهِ صلى الله عليه وسلم، قَالَ رَجُلٌ مِنَ الْقَوْمِ: هَنِيئًا مَرِيئًا يَا نَبِيَّ اللَّهِ قَدْ بَيَّنَ اللَّهُ لَنَا مَا يَفْعَلُ بِكَ فَمَاذَا يَفْعَلُ بِنَا؟ فَأَنْزَلَ اللَّهُ بَعْدَهَا {لِيُدْخِلَ الْمُؤْمِنِينَ وَالْمُؤْمِنَاتِ جَنَّاتٍ تَجْرِي مِنْ تَحْتَهَا الْأَنْهَارُ} [الفتح: 5] الْآيَةَ

سیدنا انس رضی اللہ عنہ سے روایت ہے کہ نبی کریم ﷺ پر یہ آیت اس وقت نازل ہوئی جب آپ ﷺ حدیبیہ سے واپس تشریف لا رہے تھے، یہ اس وقت اتری جب آپ ﷺ کے صحابہ رضی اللہ عنہم رنج و ملال کی کیفیت میں مبتلا تھے کیونکہ ان کے اور ان کے مناسکِ عمرہ کے درمیان رکاوٹ ڈال دی گئی تھی اور انہوں نے مقامِ حدیبیہ پر ہی اپنی ہدی (قربانی کے جانور) ذبح کر دیے تھے، پس جب یہ آیت نازل ہوئی تو آپ ﷺ نے اپنے صحابہ رضی اللہ عنہم سے فرمایا: ”مجھ پر ایک ایسی آیت نازل ہوئی ہے جو مجھے تمام دنیا سے زیادہ محبوب ہے۔“ پھر جب اللہ کے نبی ﷺ نے اسے تلاوت فرمایا تو مجمع میں سے ایک شخص نے عرض کیا: اے اللہ کے نبی ﷺ! «هَنِيئًا مَرِيئًا» ”آپ کو یہ مبارک اور خوشگوار ہو“، اللہ تعالیٰ نے ہمارے لیے یہ تو واضح فرما دیا کہ وہ آپ کے ساتھ کیا معاملہ فرمائے گا، لیکن ہمارے ساتھ کیا معاملہ کیا جائے گا؟ تو اس پر اللہ تعالیٰ نے یہ آیت نازل فرمائی: ﴿لِيُدْخِلَ الْمُؤْمِنِينَ وَالْمُؤْمِنَاتِ جَنَّاتٍ تَجْرِي مِنْ تَحْتَهَا الْأَنْهَارُ﴾ ”تاکہ وہ مومن مردوں اور مومن عورتوں کو ایسے باغات میں داخل کرے جن کے نیچے نہریں رواں ہیں۔“