مسند أبي يعلى الموصلي

حَدَّثَنَا عُبَيْدُ اللهِ ، حَدَّثَنَا يَحْيَى بْنُ سَعِيدٍ ، عَنْ هِشَامٍ ، عَنْ قَتَادَةَ ، عَنْ أَنَسٍ ، أَنَّ النَّبِيَّ - صَلَّى اللهُ عَلَيْهِ وَسَلَّمَ - ضَرَبَ عَلَى الْخَمْرِ بِالنِّعَالِ وَالْجَرِيدِ ، وَجَلَدَ أَبُو بَكْرٍ بِيَدِهِ ، فَلَمَّا كَانَ عُمَرُ وَدَنَا النَّاسُ مِنَ الْقُرَى وَالرِّيفِ ، ذَكَرَ ذَاكَ لِأَصْحَابِهِ ، فَقَالَ عَبْدُ الرَّحْمَنِ بْنُ عَوْفٍ : اجْعَلْهَا كَأَخَفِّ الْحُدُودِ ، قَالَ : فَجَلَدَ ثَمَانِينَ .

سیدنا انس بن مالک رضی اللہ عنہ سے روایت ہے کہ ”رسول اللہ ﷺ نے شراب نوشی پر جوتوں اور کھجور کی ٹہنیوں سے ضرب لگائی، اور سیدنا ابوبکر صدیق رضی اللہ عنہ نے بھی اپنے دورِ خلافت میں اسی طرح کوڑے لگوائے، پھر جب سیدنا عمر فاروق رضی اللہ عنہ کا دور آیا اور لوگ بستیوں اور دیہاتی علاقوں کے قریب ہوئے (یعنی کثرتِ میل جول سے اس جرم کے پھیلنے کا اندیشہ ہوا) تو انہوں نے اس معاملے کا ذکر صحابہ کرام رضی اللہ عنہم سے کیا، جس پر سیدنا عبد الرحمن بن عوف رضی اللہ عنہ نے مشورہ دیا کہ: ”آپ اسے حدود میں سے سب سے ہلکی حد (یعنی حدِ قذف) کے برابر کر دیں“، چنانچہ سیدنا عمر فاروق رضی اللہ عنہ نے اسی (80) کوڑے مقرر فرمائے۔“