مسند أبي يعلى الموصلي

حَدَّثَنَا أَبُو يُوسُفَ الْجِيزِيُّ ، حَدَّثَنَا مُؤَمَّلٌ ، أَخْبَرَنَا مُبَارَكٌ ، عَنِ الْحَسَنِ ، عَنْ أَنَسٍ ، قَالَ : كُنَّا عِنْدَ رَسُولِ اللهِ - صَلَّى اللهُ عَلَيْهِ وَسَلَّمَ - ، وَعِنْدَهُ عُمَرُ بْنُ الْخَطَّابِ ، وَرَسُولُ اللهِ عَلَى سَرِيرِ شَرِيطٍ لَيْسَ بَيْنَ جَنْبِ رَسُولِ اللهِ - صَلَّى اللهُ عَلَيْهِ وَسَلَّمَ - وَبَيْنَ الشَّرِيطِ شَيْءٌ ، قَالَ : وَكَانَ أَرَقَّ النَّاسِ بَشَرَةً ، فَانْحَرَفَ انْحِرَافَةً وَقَدْ أَثَّرَ الشَّرِيطُ بِبَطْنِ جِلْدِهِ أَوْ بِجَنْبِهِ ، فَبَكَى عُمَرُ ، فَقَالَ رَسُولُ اللهِ - صَلَّى اللهُ عَلَيْهِ وَسَلَّمَ - : مَا يُبْكِيكَ ؟ قَالَ : أَمَا وَاللهِ مَا أَبْكِي يَا رَسُولَ اللهِ أَنْ لَا أَكُونَ أَعْلَمُ أَنَّكَ أَكْرَمُ عَلَى اللهِ مِنْ قَيْصَرَ وَكِسْرَى ، إِنَّهُمَا يَعِيثَانِ فِيمَا يَعِيثَانِ فِيهِ مِنَ الدُّنْيَا ، وَأَنْتَ رَسُولُ اللهِ بِالْمَكَانِ الَّذِي أَرَى ؟ فَقَالَ : يَا عُمَرُ ، أَمَا تَرْضَى أَنْ تَكُونَ لَنَا الْآخِرَةُ وَلَهُمُ الدُّنْيَا ؟ قَالَ : بَلَى ، قَالَ : فَإِنَّهُ كَذَلِكَ .

سیدنا انس رضی اللہ عنہ سے روایت ہے کہ ہم رسول اللہ ﷺ کی خدمت میں حاضر تھے اور آپ کے پاس سیدنا عمر بن خطاب رضی اللہ عنہ بھی موجود تھے، رسول اللہ ﷺ بان کی رسیوں سے بنے ہوئے ایک بستر پر تشریف فرما تھے اور آپ ﷺ کے جسدِ اطہر اور ان رسیوں کے درمیان کوئی بچھونا وغیرہ حائل نہ تھا، آپ ﷺ تمام لوگوں میں سب سے زیادہ نرم و نازک جلد کے حامل تھے، چنانچہ جب آپ ﷺ نے ذرا سا پہلو بدلا تو ان رسیوں کے نشانات آپ ﷺ کے شکم مبارک یا پہلوئے مبارک پر ثبت ہو گئے جسے دیکھ کر سیدنا عمر رضی اللہ عنہ رونے لگے، رسول اللہ ﷺ نے دریافت فرمایا: ”تمہیں کس بات نے رلایا ہے؟“ انہوں نے عرض کیا: اے اللہ کے رسول! اللہ کی قسم، میرا رونا اس وجہ سے نہیں ہے کہ (معاذ اللہ) میں یہ نہیں جانتا کہ آپ اللہ کے نزدیک قیصر و کسریٰ سے کہیں زیادہ معزز و مکرم ہیں، وہ دونوں تو دنیا کی رنگینیوں میں جس طرح چاہتے ہیں مگن ہیں جبکہ آپ اللہ کے رسول ہو کر اس تنگی و ترشی کے حال میں ہیں جو میں دیکھ رہا ہوں؟ اس پر آپ ﷺ نے ارشاد فرمایا: ”اے عمر! کیا تم اس بات پر خوش نہیں ہو کہ ہمارے لیے آخرت ہو اور ان کے لیے محض دنیا ہو؟“ انہوں نے عرض کیا: جی ہاں (میں اسی پر خوش ہوں)، آپ ﷺ نے فرمایا: ”تو یقیناً معاملہ ایسا ہی ہے“۔