مسند أبي يعلى الموصلي
أول مسند ابن عباس— ابن عباس کی مرویات کا بیان۔
أَوَّلُ مُسْنَدِ ابْنِ عَبَّاسٍ باب: ابن عباس کی مرویات کا بیان۔
حَدَّثَنَا أَبُو خَيْثَمَةَ ، حَدَّثَنَا جَرِيرُ بْنُ عَبْدِ الْحَمِيدِ ، عَنْ مَنْصُورٍ ، عَنِ الْحَكَمِ ، عَنْ يَحْيَى بْنِ الْجَزَّارِ ، عَنْ أَبِي الصَّهْبَاءِ ، قَالَ : كُنْتُ عِنْدَ ابْنِ عَبَّاسٍ فَذَكَرْنَا مَا يَقْطَعُ الصَّلَاةَ ، فَقَالُوا : الْحِمَارُ ، وَالْمَرْأَةُ ، فَقَالَ ابْنُ عَبَّاسٍ : لَقَدْ جِئْتُ أَنَا وَغُلَامٌ مِنْ بَنِي عَبْدِ الْمُطَّلِبِ مُرْتَدِفَيْ حِمَارٍ ، وَرَسُولُ اللهِ - صَلَّى اللهُ عَلَيْهِ وَسَلَّمَ - يُصَلِّي بِالنَّاسِ فِي أَرْضٍ خَلَاءٍ ، فَتَرَكْنَا الْحِمَارَ بَيْنَ أَيْدِيهِمْ ، ثُمَّ جِئْنَا حَتَّى دَخَلْنَا بَيْنَهُمْ ، فَمَا بَالَى ذَلِكَ ، وَلَقَدْ كَانَ رَسُولُ اللهِ - صَلَّى اللهُ عَلَيْهِ وَسَلَّمَ - يُصَلِّي بِالنَّاسِ فَجَاءَتْ جَارِيَتَانِ مِنْ بَنِي عَبْدِ الْمُطَّلِبِ تَشْتَدَّانِ اقْتَتَلَتَا ، فَأَخَذَهُمَا رَسُولُ اللهِ - صَلَّى اللهُ عَلَيْهِ وَسَلَّمَ - فَنَزَعَ إِحْدَاهُمَا مِنَ الْأُخْرَى وَمَا بَالَى ذَلِكَ .
سیدنا عبداللہ بن عباس رضی اللہ عنہما سے روایت ہے، ابو الصہباء رحمہ اللہ بیان کرتے ہیں کہ میں سیدنا عبداللہ بن عباس رضی اللہ عنہما کے پاس موجود تھا اور ہم نے ان چیزوں کا تذکرہ کیا جو نماز کو توڑ دیتی ہیں، تو لوگوں نے کہا کہ ”گدھا اور عورت“، اس پر سیدنا عبداللہ بن عباس رضی اللہ عنہما نے فرمایا کہ ”میں اور بنو عبدالمطلب کا ایک لڑکا ایک گدھے پر ردیف بن کر (ایک ساتھ سوار ہو کر) آئے، جبکہ رسول اللہ ﷺ ایک کھلے میدان میں لوگوں کو نماز پڑھا رہے تھے، پس ہم نے گدھے کو نمازیوں کے سامنے چھوڑ دیا، پھر ہم آئے اور صفوں میں شامل ہو گئے، تو آپ ﷺ نے اس بات کی کوئی پرواہ نہ کی۔ نیز رسول اللہ ﷺ لوگوں کو نماز پڑھا رہے تھے کہ بنو عبدالمطلب کی دو بچیاں دوڑتی ہوئی آئیں جو آپس میں لڑ رہی تھیں، تو رسول اللہ ﷺ نے انہیں پکڑ لیا اور ایک کو دوسری سے الگ کر دیا اور آپ ﷺ نے اس عمل کی بھی کوئی پرواہ نہ فرمائی۔“