مسند أبي يعلى الموصلي

حَدَّثَنَا زُهَيْرٌ ، حَدَّثَنَا يُونُسُ بْنُ مُحَمَّدٍ ، حَدَّثَنَا لَيْثٌ ، عَنْ قَيْسِ بْنِ الْحَجَّاجِ ، عَنْ حَنَشٍ الصَّنْعَانِيِّ ، عَنْ عَبْدِ اللهِ بْنِ عَبَّاسٍ ، أَنَّهُ حَدَّثَ أَنَّهُ رَكِبَ خَلْفَ النَّبِيِّ - صَلَّى اللهُ عَلَيْهِ وَسَلَّمَ - يَوْمًا ، فَقَالَ لَهُ رَسُولُ اللهِ - صَلَّى اللهُ عَلَيْهِ وَسَلَّمَ - : يَا غُلَامُ ، إِنِّي مُعَلِّمُكَ كَلِمَاتٍ : احْفَظِ اللهَ يَحْفَظْكَ ، احْفَظِ اللهَ تَجِدْهُ تُجَاهَكَ ، وَإِذَا سَأَلْتَ فَاسْأَلِ اللهَ ، وَإِذَا اسْتَعَنْتَ فَاسْتَعِنْ بِاللهِ ، وَاعْلَمْ أَنَّ الْأُمَّةَ لَوِ اجْتَمَعُوا عَلَى أَنْ يَنْفَعُوكَ بِشَيْءٍ لَمْ يَنْفَعُوكَ إِلَّا بِشَيْءٍ قَدْ كَتَبَهُ اللهُ لَكَ ، وَلَوِ اجْتَمَعُوا عَلَى أَنْ يَضُرُّوكَ لَمْ يَضُرُّوكَ إِلَّا بِشَيْءٍ كَتَبَهُ اللهُ عَلَيْكَ ، رُفِعَتِ الْأَقْلَامُ وَجَفَّتِ الصُّحُفُ .

سیدنا عبد اللہ بن عباس رضی اللہ عنہما سے روایت ہے کہ وہ ایک دن نبی کریم ﷺ کے پیچھے سوار تھے تو رسول اللہ ﷺ نے ان سے فرمایا: ”اے لڑکے! میں تمہیں چند (اہم) باتیں سکھاتا ہوں: تم اللہ کے احکامات کی حفاظت کرو، اللہ تمہاری حفاظت فرمائے گا؛ تم اللہ کے حقوق کا پاس و لحاظ رکھو، تم اسے اپنے سامنے پاؤ گے۔ جب تم کچھ مانگو تو صرف اللہ ہی سے مانگو اور جب تم مدد چاہو تو صرف اللہ ہی سے مدد طلب کرو۔ یہ بات یقینی طور پر جان لو کہ اگر پوری امت اس بات پر جمع ہو جائے کہ وہ تمہیں کوئی فائدہ پہنچائے تو وہ تمہیں اس کے سوا کچھ فائدہ نہیں پہنچا سکتی جو اللہ نے تمہارے لیے لکھ دیا ہے، اور اگر وہ سب مل کر تمہیں کوئی نقصان پہنچانا چاہیں تو وہ تمہیں اس کے سوا کوئی نقصان نہیں پہنچا سکتے جو اللہ نے تمہارے حق میں (تقدیر میں) لکھ دیا ہے۔ قلم اٹھا لیے گئے ہیں اور صحیفے خشک ہو چکے ہیں“۔