مسند أبي يعلى الموصلي

حَدَّثَنَا دَاوُدُ بْنُ عَمْرِو بْنِ زُهَيْرٍ الضَّبِّيُّ ، حَدَّثَنَا ابْنُ أَبِي الزِّنَادِ عَبْدُ الرَّحْمَنِ بْنُ عَبْدِ اللهِ ، عَنْ أَبِيهِ ، عَنِ الْقَاسِمِ بْنِ مُحَمَّدٍ ، عَنِ ابْنِ عَبَّاسٍ قَالَ : لَاعَنَ رَسُولُ اللهِ - صَلَّى اللهُ عَلَيْهِ وَسَلَّمَ - بَيْنَ الْعَجْلَانِيِّ وَامْرَأَتِهِ ، وَقَالَ زَوْجُهَا يَوْمَئِذٍ : يَا رَسُولَ اللهِ ، وَاللهِ مَا قَرَبْتُهَا مُنْذُ عَفَرْنَا ، وَجَعَلَ رَسُولُ اللهِ - صَلَّى اللهُ عَلَيْهِ وَسَلَّمَ - يَوْمَئِذٍ يَقُولُ : اللَّهُمَّ بَيِّنْ ، وَزَوْجُ الْمَرْأَةِ رَجُلٌ أَصْهَبُ الشَّعَرِ حَمْشُ الذِّرَاعَيْنِ وَالسَّاقَيْنِ ، وَكَانَ الَّذِي رُمِيَتْ بِهِ ابْنَ سَوْدَاءَ ، فَجَاءَتْ بِغُلَامٍ أَسْوَدَ جَعْدٍ قَطَطٍ عَبْلِ الذِّرَاعَيْنِ خَدْلِ السَّاقَيْنِ ، فَقَالَ لَهُ رَجُلٌ : يَا أَبَا عَبَّاسٍ ، كَيْفَ قُلْتَ ؟ قَالَ : قُلْتُ : جَاءَتْ بِهِ عَلَى النَّعْتِ السَّيِّئِ ، فَقَالَ لَهُ ابْنُ شَدَّادِ بْنِ الْهَادِ : أَهِيَ الَّتِي قَالَ رَسُولُ اللهِ - صَلَّى اللهُ عَلَيْهِ وَسَلَّمَ - : لَوْ كُنْتُ رَاجِمًا بِغَيْرِ بَيِّنَةٍ ؟ قَالَ : لَا ، تِلْكَ امْرَأَةٌ كَانَتْ قَدْ أَعْلَنَتْ فِي الْإِسْلَامِ .

سیدنا عبد اللہ بن عباس رضی اللہ عنہما سے روایت ہے کہ رسول اللہ ﷺ نے عجلانی اور اس کی بیوی کے درمیان لعان کرایا، اس روز اس عورت کے شوہر نے عرض کی: ”یا رسول اللہ! اللہ کی قسم! جب سے ہم نے کھجوروں کی جڑوں میں مٹی ڈالی تھی (یعنی ایک طویل عرصہ سے) میں اس کے قریب بھی نہیں گیا“، اس موقع پر رسول اللہ ﷺ مسلسل یہ فرما رہے تھے: «اللَّهُمَّ بَيِّنْ» ”اے اللہ! حقیقت کو واضح فرما دے“، اس عورت کا شوہر سرخی مائل بالوں والا اور دبلی پتلی کلائیوں اور پنڈلیوں والا شخص تھا، جبکہ جس شخص کے ساتھ اسے متہم کیا گیا تھا وہ ایک سیاہ فام عورت کا بیٹا تھا، چنانچہ اس عورت کے ہاں ایک سیاہ رنگت والا، سخت گھنگھریالے بالوں والا، پرگوشت کلائیوں اور بھری ہوئی پنڈلیوں والا بچہ پیدا ہوا، اس پر ایک شخص نے ان سے سوال کیا: اے ابوعباس! آپ نے کیا بات کہی؟ انہوں نے جواب دیا: ”میں نے کہا کہ وہ بچہ اسی ناپسندیدہ مشابہت پر پیدا ہوا جس کا خدشہ تھا“، پھر ابن شداد بن الہاد رحمہ اللہ نے ان سے پوچھا: کیا یہ وہی عورت ہے جس کے بارے میں رسول اللہ ﷺ نے فرمایا تھا: ”اگر میں بغیر کسی گواہی کے کسی کو سنگسار کرنے والا ہوتا (تو اسے کرتا)؟“ انہوں نے جواب دیا: ”نہیں، وہ تو ایک ایسی عورت تھی جس نے اسلام لانے کے بعد کھلم کھلا (بے حیائی کا) مظاہرہ کیا تھا“۔