مسند أبي يعلى الموصلي

حَدَّثَنَا الْحَارِثُ بْنُ مِسْكِينٍ الْمِصْرِيُّ ، حَدَّثَنَا عَبْدُ اللهِ بْنُ وَهْبٍ ، أَخْبَرَنَا هِشَامُ بْنُ سَعْدٍ ، عَنْ زَيْدِ بْنِ أَسْلَمَ ، عَنْ أَبِيهِ ، عَنْ عُمَرَ بْنِ الْخَطَّابِ عَنِ النَّبِيِّ صَلَّى اللهُ عَلَيْهِ وَسَلَّمَ قَالَ : قَالَ مُوسَى : يَا رَبِّ ، أَبُونَا آدَمُ أَخْرَجَنَا وَنَفْسَهُ مِنَ الْجَنَّةِ ، فَأَرَاهُ اللهُ آدَمَ ، فَقَالَ : أَنْتَ آدَمُ ؟ فَقَالَ لَهُ آدَمُ : نَعَمْ ، قَالَ : أَنْتَ الَّذِي نَفَخَ اللهُ فِيكَ مِنْ رُوحِهِ ، وَأَسْجَدَ لَكَ مَلَائِكَتَهُ ، وَعَلَّمَكَ الْأَسْمَاءَ كُلَّهَا ؟ قَالَ : نَعَمْ ، قَالَ : فَمَا حَمَلَكَ عَلَى أَنْ أَخْرَجْتَنَا وَنَفْسَكَ مِنَ الْجَنَّةِ ؟ فَقَالَ لَهُ آدَمُ : مَنْ أَنْتَ ؟ قَالَ : أَنَا مُوسَى ، قَالَ : أَنْتَ مُوسَى بَنِي إِسْرَائِيلَ الَّذِي كَلَّمَكَ اللهُ مِنْ وَرَاءِ الْحِجَابِ ، فَلَمْ يَجْعَلْ بَيْنَكَ وَبَيْنَهُ رَسُولًا مِنْ خَلْقِهِ ؟ قَالَ : نَعَمْ ، قَالَ : فَتَلُومُنِي عَلَى أَمْرٍ قَدْ سَبَقَ مِنَ اللهِ الْقَضَاءُ قَبْلِي ؟ قَالَ رَسُولُ اللهِ صَلَّى اللهُ عَلَيْهِ وَسَلَّمَ عِنْدَ ذَلِكَ : فَحَجَّ آدَمُ مُوسَى ، فَحَجَّ آدَمُ مُوسَى .

سیدنا عمر بن خطاب رضی اللہ عنہ سے روایت ہے کہ رسول اللہ ﷺ نے فرمایا: ”سیدنا موسیٰ علیہ السلام نے عرض کی: اے میرے رب! ہمیں ہمارے باپ سیدنا آدم علیہ السلام دکھا دیجیے جنہوں نے ہمیں اور خود کو جنت سے نکلوا دیا، چنانچہ اللہ تعالیٰ نے انہیں سیدنا آدم علیہ السلام دکھائے تو سیدنا موسیٰ علیہ السلام نے ان سے دریافت کیا: کیا آپ ہی آدم ہیں؟ سیدنا آدم علیہ السلام نے جواب دیا: جی ہاں، سیدنا موسیٰ علیہ السلام نے کہا: کیا آپ وہی ہیں جن میں اللہ تعالیٰ نے اپنی روح پھونکی، اپنے فرشتوں سے آپ کو سجدہ کروایا اور آپ کو تمام اشیاء کے نام سکھائے؟ انہوں نے جواب دیا: جی ہاں، سیدنا موسیٰ علیہ السلام نے کہا: پھر کس بات نے آپ کو اس پر آمادہ کیا کہ آپ نے ہمیں اور خود کو جنت سے نکلوا دیا؟ سیدنا آدم علیہ السلام نے ان سے پوچھا: تم کون ہو؟ انہوں نے جواب دیا: میں موسیٰ ہوں، سیدنا آدم علیہ السلام نے کہا: تم بنی اسرائیل کے وہی موسیٰ ہو جن سے اللہ تعالیٰ نے پردے کے پیچھے سے کلام فرمایا اور اپنی مخلوق میں سے کسی کو تمہارے اور اپنے درمیان پیغام رساں نہیں بنایا؟ انہوں نے جواب دیا: جی ہاں، تو سیدنا آدم علیہ السلام نے فرمایا: کیا تم مجھے ایسے معاملے پر ملامت کرتے ہو جس کا فیصلہ اللہ تعالیٰ کی تقدیر میں میری پیدائش سے بھی پہلے ہو چکا تھا؟“ رسول اللہ ﷺ نے اس موقع پر ارشاد فرمایا: ”پس آدم موسیٰ پر غالب آگئے، پس آدم موسیٰ پر غالب آگئے۔“