مسند أبي يعلى الموصلي

حَدَّثَنَا ابْنُ نُمَيْرٍ ، حَدَّثَنَا قَبِيصَةُ ، عَنْ سُفْيَانَ ، عَنِ الْأَعْمَشِ ، عَنْ أَبِي سُفْيَانَ ، عَنْ جَابِرٍ رَفَعَهُ قَالَ : كَانَ يَقُولُ : يَا مُقَلِّبَ الْقُلُوبِ ثَبِّتْ قَلْبِي عَلَى دِينِكَ ، فَقُلْنَا : يَا رَسُولَ اللهِ ، تَخَافُ عَلَيْنَا ، وَقَدْ آمَنَّا بِمَا جِئْتَ بِهِ ؟ فَقَالَ : إِنَّ الْقُلُوبَ بَيْنَ ، وَأَشَارَ الْأَعْمَشُ بِإِصْبَعَيْنِ .

سیدنا جابر رضی اللہ عنہ سے روایت ہے کہ رسول اللہ ﷺ اکثر یہ دعا مانگا کرتے تھے: «يَا مُقَلِّبَ الْقُلُوبِ ثَبِّتْ قَلْبِي عَلَى دِينِكَ» ”اے دلوں کو پھیرنے والے! میرے دل کو اپنے دین پر ثابت قدم رکھ۔“ ہم نے عرض کی: اے اللہ کے رسول ﷺ! کیا آپ کو ہمارے متعلق کسی قسم کا اندیشہ ہے حالانکہ ہم اس وحی و شریعت پر ایمان لا چکے ہیں جو آپ لے کر آئے ہیں؟ تو آپ ﷺ نے ارشاد فرمایا: ”بے شک تمام دل (اللہ کی انگلیوں میں سے) دو انگلیوں کے درمیان ہیں“ اور راویِ حدیث اعمش رحمہ اللہ نے اپنی دو انگلیوں سے اشارہ کر کے اس کی وضاحت فرمائی۔