مسند أبي يعلى الموصلي

حَدَّثَنَا إِسْحَاقُ ، حَدَّثَنَا سُفْيَانُ ، عَنِ ابْنِ الْمُنْكَدِرِ ، سَمِعَ جَابِرًا يَقُولُ : نَدَبَ رَسُولُ اللهِ - صَلَّى اللهُ عَلَيْهِ وَسَلَّمَ - النَّاسَ يَوْمَ الْخَنْدَقِ فَانْتَدَبَ الزُّبَيْرُ ، ثُمَّ نَدَبَ النَّاسَ فَانْتَدَبَ الزُّبَيْرُ ، فَقَالَ رَسُولُ اللهِ - صَلَّى اللهُ عَلَيْهِ وَسَلَّمَ - : لِكُلِّ نَبِيٍّ حَوَارِيٌّ وَحَوَارِيَّ الزُّبَيْرُ .

سیدنا جابر رضی اللہ عنہ سے روایت ہے کہ رسول اللہ ﷺ نے غزوہ خندق کے دن لوگوں کو (دشمن کی خبر لانے کے لیے) ترغیب دی تو سیدنا زبیر رضی اللہ عنہ اس مہم کے لیے تیار ہو گئے، آپ ﷺ نے پھر لوگوں کو پکارا تو دوبارہ سیدنا زبیر رضی اللہ عنہ ہی آمادہ ہو کر آگے بڑھے، اس پر رسول اللہ ﷺ نے ارشاد فرمایا: ”بے شک ہر نبی کا ایک حواری (مخلص جاں نثار) ہوتا ہے اور میرے حواری زبیر ہیں“۔