مسند أبي يعلى الموصلي
مسند جابر— جابر کی مرویات کا بیان۔
مُسْنَدُ جَابِرٍ باب: جابر کی مرویات کا بیان۔
حدیث نمبر: 2014
حَدَّثَنَا إِسْحَاقُ ، حَدَّثَنَا سُفْيَانُ ، عَنْ مُحَمَّدِ بْنِ الْمُنْكَدِرِ ، سَمِعَهُ مِنْ جَابِرٍ ، وَعَمْرِو بْنِ دِينَارٍ ، سَمِعَ جَابِرَ بْنَ عَبْدِ اللهِ يَقُولُ : قَالَ رَسُولُ اللهِ - صَلَّى اللهُ عَلَيْهِ وَسَلَّمَ - : دَخَلْتُ الْجَنَّةَ فَرَأَيْتُ فِيهَا دَارًا ، أَوْ قَصْرًا ، فَسَمِعْتُ فِيهِ صَوْتًا ، أَوْ ضَوْضَاءَ ، فَقُلْتُ : لِمَنْ هَذَا ؟ قِيلَ : هُوَ لِابْنِ الْخَطَّابِ ، قَالَ سُفْيَانُ : زَادَ ابْنُ الْمُنْكَدِرِ : فَأَرَدْتُ أَنْ أَدْخُلَهُ ، فَذَكَرْتُ غَيْرَتَكَ ، فَبَكَى عُمَرُ ، قَالَ : يَا نَبِيَّ اللهِ ، أَوَ أَغَارُ عَلَيْكَ . ؟
ترجمہ
سیدنا جابر بن عبداللہ رضی اللہ عنہ سے روایت ہے کہ رسول اللہ ﷺ نے ارشاد فرمایا: ”میں جنت میں داخل ہوا تو میں نے وہاں ایک گھر یا محل دیکھا اور وہاں کوئی آواز یا شور سنا، میں نے دریافت کیا کہ یہ کس کا ہے؟ تو بتایا گیا کہ یہ ابنِ خطاب (سیدنا عمر رضی اللہ عنہ) کا ہے۔“ سفیان رحمہ اللہ کہتے ہیں کہ ابنِ منکدر رحمہ اللہ نے اپنی روایت میں یہ اضافہ نقل کیا ہے کہ (آپ ﷺ نے فرمایا:) ”میں نے اس میں داخل ہونے کا ارادہ کیا لیکن مجھے تمہاری غیرت یاد آگئی۔“ (یہ سن کر) سیدنا عمر رضی اللہ عنہ رو پڑے اور عرض گزار ہوئے: اے اللہ کے نبی! کیا بھلا میں آپ ﷺ کے معاملے میں بھی غیرت کروں گا؟