مسند أبي يعلى الموصلي

حَدَّثَنَا عَمْرٌو ، حَدَّثَنَا سُفْيَانُ ، عَنْ عَمْرٍو ، عَنْ جَابِرٍ قَالَ : قَالَ لِي رَسُولُ اللهِ - صَلَّى اللهُ عَلَيْهِ وَسَلَّمَ - : يَا جَابِرُ ، أَتَزَوَّجْتَ ؟ قُلْتُ : نَعَمْ ، قَالَ : بِكْرًا أَوْ ثَيِّبًا ؟ قَالَ : قُلْتُ : لَا ، بَلْ ثَيِّبًا ، قَالَ : فَهَلَّا جَارِيَةً تُلَاعِبُكَ وَتُلَاعِبُهَا ؟ قُلْتُ : يَا رَسُولَ اللهِ ، إِنَّ أَبِي قُتِلَ يَوْمَ أُحُدٍ وَتَرَكَ تِسْعَ بَنَاتٍ ، وَهُنَّ لِي تِسْعُ أَخَوَاتٍ ، فَلَمْ أُحِبَّ أَنْ أَجْمَعَ إِلَيْهِنَّ جَارِيَةً خَرْقَاءَ مِثْلَهُنَّ ، وَلَكِنِ امْرَأَةً تَمْشُطُهُنَّ وَتَقُومُ عَلَيْهِنَّ ، قَالَ : أَصَبْتَ .

سیدنا جابر رضی اللہ عنہ سے روایت ہے کہ رسول اللہ ﷺ نے مجھ سے دریافت فرمایا: ”اے جابر! کیا تم نے شادی کر لی ہے؟“ میں نے عرض کی: ”جی ہاں۔“ آپ ﷺ نے پوچھا: ”کسی کنواری سے کی ہے یا بیوہ سے؟“ میں نے عرض کی: ”نہیں، بلکہ ایک بیوہ سے۔“ آپ ﷺ نے فرمایا: ”تم نے کسی نوعمر لڑکی سے نکاح کیوں نہ کیا کہ تم اس کے ساتھ کھیلتے اور وہ تمہارے ساتھ کھیلتی؟“ میں نے عرض کی: ”اے اللہ کے رسول ﷺ! میرے والد (سیدنا عبداللہ رضی اللہ عنہ) غزوہ احد کے دن شہید ہو گئے تھے اور انہوں نے نو بیٹیاں چھوڑی ہیں، جو میری نو بہنیں ہیں، اس لیے میں نے یہ مناسب نہ سمجھا کہ ان کے پاس ان جیسی ہی کوئی ناتجربہ کار لڑکی لے آؤں، بلکہ ایسی خاتون سے نکاح کرنا بہتر سمجھا جو ان کے بالوں میں کنگھی کرے اور ان کی دیکھ بھال کر سکے،“ اس پر آپ ﷺ نے ارشاد فرمایا: ”تم نے درست فیصلہ کیا۔“