مسند أبي يعلى الموصلي

حَدَّثَنَا هُدْبَةُ بْنُ خَالِدٍ ، حَدَّثَنَا أَبَانُ بْنُ يَزِيدَ ، حَدَّثَنَا يَحْيَى بْنُ أَبِي كَثِيرٍ ، قَالَ : سَأَلْتُ أَبَا سَلَمَةَ : أَيُّ الْقُرْآنِ أُنْزِلَ أَوَّلُ ؟ قَالَ : يَا أَيُّهَا الْمُدَّثِّرُ ، قَالَ : فَقُلْتُ : إِنِّي أُنْبِئْتُ أَنَّ أَوَّلَ سُورَةٍ نَزَلَتْ مِنَ الْقُرْآنِ : اقْرَأْ بِاسْمِ رَبِّكَ الَّذِي خَلَقَ ، قَالَ أَبُو سَلَمَةَ : سَأَلْتُ جَابِرَ بْنَ عَبْدِ اللهِ : أَيُّ الْقُرْآنِ أُنْزِلَ أَوَّلُ ؟ قَالَ : يَا أَيُّهَا الْمُدَّثِّرُ فَقُلْتُ لَهُ : إِنِّي أُنْبِئْتُ أَنَّ أَوَّلَ سُورَةٍ نَزَلَتْ مِنَ الْقُرْآنِ : اقْرَأْ بِاسْمِ رَبِّكَ الَّذِي خَلَقَ . قَالَ جَابِرٌ : لَا أُحَدِّثُكَ إِلَّا مَا حَدَّثَنَا رَسُولُ اللهِ - صَلَّى اللهُ عَلَيْهِ وَسَلَّمَ - قَالَ : جَاوَرْتُ فِي حِرَاءٍ ، فَلَمَّا قَضَيْتُ جِوَارِي فَاسْتَبْطَنْتُ الْوَادِيَ ، فَنُودِيتُ ، فَنَظَرْتُ أَمَامِي وَخَلْفِي ، وَعَنْ يَمِينِي وَعَنْ شِمَالِي ، فَلَمْ أَرَ شَيْئًا ، فَنُودِيتُ فَنَظَرْتُ فَوْقِي ، فَإِذَا أَنَا بِهِ قَاعِدٌ عَلَى عَرْشٍ بَيْنَ السَّمَاءِ وَالْأَرْضِ ، قَالَ : فَجُثِثْتُ مِنْهُ ، فَانْطَلَقْتُ إِلَى خَدِيجَةَ فَقُلْتُ : دَثِّرُونِي فَدَثَّرُونِي ، وَصُبُّوا عَلَيَّ مَاءً بَارِدًا ، فَأُنْزِلَتْ عَلَيَّ : يَا أَيُّهَا الْمُدَّثِّرُ قُمْ فَأَنْذِرْ وَرَبَّكَ فَكَبِّرْ .

یحییٰ بن ابی کثیر رحمہ اللہ بیان کرتے ہیں کہ میں نے ابو سلمہ رحمہ اللہ سے سوال کیا کہ قرآنِ مجید کی کون سی سورت سب سے پہلے نازل ہوئی؟ انہوں نے جواب دیا کہ ”﴿يَا أَيُّهَا الْمُدَّثِّرُ﴾“، میں نے عرض کیا کہ مجھے تو یہ معلوم ہوا ہے کہ سب سے پہلے نازل ہونے والی سورت ﴿اقْرَأْ بِاسْمِ رَبِّكَ الَّذِي خَلَقَ﴾ ہے، اس پر ابو سلمہ رحمہ اللہ نے فرمایا کہ میں نے بھی سیدنا جابر بن عبد اللہ رضی اللہ عنہما سے یہی دریافت کیا تھا کہ قرآن کا کون سا حصہ سب سے پہلے نازل ہوا؟ تو انہوں نے بھی یہی جواب دیا کہ ”﴿يَا أَيُّهَا الْمُدَّثِّرُ﴾“، میں نے ان سے عرض کیا کہ مجھے تو یہ خبر دی گئی ہے کہ سب سے پہلے ﴿اقْرَأْ بِاسْمِ رَبِّكَ الَّذِي خَلَقَ﴾ نازل ہوئی، تو سیدنا جابر رضی اللہ عنہ نے فرمایا: ”میں تمہیں صرف وہی بات بتاؤں گا جو ہمیں رسول اللہ ﷺ نے بیان فرمائی، آپ ﷺ نے ارشاد فرمایا: ”میں نے غارِ حرا میں اعتکاف کیا، پھر جب میں اپنی مدتِ اعتکاف پوری کر کے وادی کے وسط میں پہنچا تو مجھے پکارا گیا، میں نے اپنے سامنے، پیچھے، دائیں اور بائیں دیکھا مگر مجھے کوئی نظر نہ آیا، پھر دوبارہ پکارا گیا تو میں نے اوپر کی طرف نگاہ اٹھائی، تو اچانک دیکھا کہ وہ (فرشتہ) آسمان اور زمین کے درمیان ایک تخت پر بیٹھے ہوئے ہیں“، آپ ﷺ نے فرمایا: ”پس مجھ پر ان کی ہیبت طاری ہوئی اور میں لرز اٹھا، پھر میں سیدہ خدیجہ رضی اللہ عنہا کے پاس آیا اور کہا کہ مجھے کپڑا اڑھا دو، مجھے کپڑا اڑھا دو، اور مجھ پر ٹھنڈا پانی ڈالو، تب اللہ تعالیٰ نے یہ آیات نازل فرمائیں: ﴿يَا أَيُّهَا الْمُدَّثِّرُ * قُمْ فَأَنْذِرْ * وَرَبِّكَ فَكَبِّرْ﴾۔“