مسند أبي يعلى الموصلي

حَدَّثَنَا أَبُو خَيْثَمَةَ ، حَدَّثَنَا جَرِيرٌ ، عَنِ الْأَعْمَشِ ، عَنْ سَالِمِ بْنِ أَبِي الْجَعْدِ ، عَنْ جَابِرِ بْنِ عَبْدِ اللهِ قَالَ : أَقْبَلْنَا مِنْ مَكَّةَ إِلَى الْمَدِينَةِ مَعَ رَسُولِ اللهِ - صَلَّى اللهُ عَلَيْهِ وَسَلَّمَ - قَالَ : فَأَعْيَا جَمَلِي فَتَخَلَّفْتُ عَلَيْهِ أَسُوقُهُ ، قَالَ : وَكَانَ رَسُولُ اللهِ - صَلَّى اللهُ عَلَيْهِ وَسَلَّمَ - فِي حَاجَةٍ مُتَخَلِّفًا فَلَحِقَنِي فَقَالَ لِي : مَا لَكَ مُتَخَلِّفًا ؟ قَالَ : قُلْتُ : لَا يَا رَسُولَ اللهِ ، إِلَّا أَنَّ جَمَلِي ضَلَعَ عَلَيَّ فَأَرَدْتُ أَنْ أُلْحِقَهُ بِالْقَوْمِ ، قَالَ : فَأَخَذَ رَسُولُ اللهِ - صَلَّى اللهُ عَلَيْهِ وَسَلَّمَ - بِذَنَبِهِ فَضَرَبَهُ ، ثُمَّ زَجَرَهُ ، فَقَالَ : ارْكَبْ ، فَلَقَدْ رَأَيْتُنِي بَعْدُ وَإِنِّي لَأَكُفُّهُ عَنِ الْقَوْمِ .
قَالَ : فَنَزَلْنَا مَنْزِلًا دُونَ الْمَدِينَةِ فَأَرَدْتُ أَنْ أَتَعَجَّلَ إِلَى أَهْلِي ، فَقَالَ لِي رَسُولُ اللهِ - صَلَّى اللهُ عَلَيْهِ وَسَلَّمَ - : لَا تَأْتِ أَهْلَكَ طُرُوقًا ، قَالَ : قُلْتُ : يَا رَسُولَ اللهِ ، إِنِّي حَدِيثُ عَهْدٍ بِعُرْسٍ ، قَالَ : فَمَا تَزَوَّجْتَ ؟ قُلْتُ : امْرَأَةً ثَيِّبًا ، قَالَ : فَهَلَّا بِكْرًا تُلَاعِبُهَا وَتُلَاعِبُكَ ؟ قَالَ : فَقُلْتُ : يَا رَسُولَ اللهِ ، إِنَّ عَبْدَ اللهِ تُوُفِّيَ أَوِ اسْتُشْهِدَ ، وَتَرَكَ جَوَارِيَ ، فَكَرِهْتُ أَنْ أَتَزَوَّجَ إِلَيْهِنَّ مِثْلَهُنَّ ، قَالَ : فَسَكَتْ وَلَمْ يَقُلْ لِي أَحْسَنْتَ وَلَا أَسَأْتَ . قَالَ : ثُمَّ قَالَ لِي : بِعْنِي جَمَلَكَ هَذَا ، قَالَ : قُلْتُ : لَا ، بَلْ هُوَ لَكَ يَا رَسُولَ اللهِ ، قَالَ : لَا ، بَلْ بِعْنِيهِ ، قَالَ : قُلْتُ : لَا ، بَلْ هُوَ لَكَ يَا رَسُولَ اللهِ ، قَالَ : لَا ، بَلْ بِعْنِيهِ ، قَالَ : قُلْتُ : فَإِنَّ لِرَجُلٍ عَلَيَّ أُوقِيَّةَ ذَهَبٍ فَهُوَ لَكَ بِهَا ، قَالَ : قَدْ أَخَذْتُ ، فَتَبَلَّغْ عَلَيْهِ الْمَدِينَةَ ، قَالَ : فَلَمَّا قَدِمْتُ الْمَدِينَةَ ، قَالَ رَسُولُ اللهِ - صَلَّى اللهُ عَلَيْهِ وَسَلَّمَ - لِبِلَالٍ : أَعْطِهِ أُوقِيَّةَ ذَهَبٍ وَزِدْهُ ، قَالَ : فَأَعْطَانِي أُوقِيَّةَ ذَهَبٍ وَزَادَنِي قِيرَاطًا ، قَالَ : فَقُلْتُ : لَا تُفَارِقُنِي زِيَادَةُ رَسُولِ اللهِ - صَلَّى اللهُ عَلَيْهِ وَسَلَّمَ - ، قَالَ : فَكَانَ فِي كِيسٍ لِي فَأَخَذَهُ أَهْلُ الشَّامِ يَوْمَ الْحَرَّةِ .

سیدنا جابر بن عبداللہ رضی اللہ عنہما سے روایت ہے کہ ہم رسول اللہ ﷺ کے ہمراہ مکہ سے مدینہ کی جانب واپس آ رہے تھے، میرا اونٹ تھک کر نڈھال ہو گیا جس کی وجہ سے میں اسے ہانکتا ہوا پیچھے رہ گیا، رسول اللہ ﷺ کسی ضرورت کی بناء پر قافلے کے پیچھے تشریف فرما تھے، آپ مجھ سے آ ملے اور دریافت فرمایا: ”تم پیچھے کیوں رہ گئے ہو؟“ میں نے عرض کیا: اے اللہ کے رسول! میرا اونٹ تھک کر لنگڑانے لگا ہے، میں اسے قافلے سے ملانے کی کوشش کر رہا ہوں، راوی کہتے ہیں کہ رسول اللہ ﷺ نے اس کی دم پکڑ کر اسے ضرب لگائی اور پھر اسے ڈانٹا تو فرمایا: ”اب سوار ہو جاؤ“، اس کے بعد میں نے خود کو دیکھا کہ میں اس اونٹ کو لوگوں سے آگے بڑھنے سے روک رہا تھا، پھر ہم مدینہ کے قریب ایک مقام پر اترے تو میں نے اپنے گھر والوں کے پاس جانے میں جلدی کرنا چاہی، جس پر رسول اللہ ﷺ نے مجھ سے فرمایا: ”رات کے وقت (اچانک) اپنے گھر والوں کے پاس نہ جانا“، میں نے عرض کیا: اے اللہ کے رسول! میں نے حال ہی میں شادی کی ہے، آپ ﷺ نے دریافت فرمایا: ”کس سے شادی کی ہے؟“ میں نے عرض کیا: ایک بیوہ عورت سے، آپ ﷺ نے فرمایا: ”کسی کنواری لڑکی سے کیوں نہ کی کہ تم اس سے کھیلتے اور وہ تم سے کھیلتی؟“ میں نے عرض کیا: (میرے والد) سیدنا عبداللہ رضی اللہ عنہ فوت یا شہید ہو گئے اور پیچھے میری بہنیں چھوڑ گئے ہیں، تو میں نے یہ بات ناپسند کی کہ ان کے پاس ان جیسی ہی کوئی کم عمر لڑکی لے آؤں، اس پر آپ ﷺ خاموش رہے اور مجھے نہ اچھا کہا اور نہ برا، پھر مجھ سے فرمایا: ”اپنا یہ اونٹ میرے ہاتھ فروخت کر دو“، میں نے عرض کیا: نہیں، بلکہ اے اللہ کے رسول! یہ آپ ہی کا ہے، آپ ﷺ نے فرمایا: ”نہیں، بلکہ اسے میرے ہاتھ بیچ دو“، میں نے پھر عرض کیا: نہیں، بلکہ یہ آپ ہی کا ہے، لیکن آپ ﷺ نے پھر فرمایا: ”نہیں، اسے میرے ہاتھ فروخت کرو“، میں نے عرض کیا: مجھ پر ایک شخص کا ایک اوقیہ سونا قرض ہے، پس اتنی قیمت کے عوض یہ اونٹ آپ کا ہوا، آپ ﷺ نے فرمایا: ”میں نے اسے خرید لیا، اب تم مدینہ پہنچنے تک اس پر سواری کر لو“، جب میں مدینہ پہنچا تو رسول اللہ ﷺ نے سیدنا بلال رضی اللہ عنہ سے فرمایا: ”اسے ایک اوقیہ سونا دے دو اور کچھ مزید بھی دینا“، انہوں نے مجھے ایک اوقیہ سونا دیا اور ایک قیراط کا اضافہ کیا، میں نے اپنے جی میں کہا کہ رسول اللہ ﷺ کی عطا کردہ یہ زیادتی مجھ سے کبھی جدا نہیں ہوگی، چنانچہ وہ میرے پاس ایک تھیلے میں محفوظ رہی یہاں تک کہ یومِ حرہ کے موقع پر اہل شام نے اسے چھین لیا۔