مسند أبي يعلى الموصلي

حَدَّثَنَا عَبْدُ الْأَعْلَى ، حَدَّثَنَا حَمَّادٌ ، عَنْ عَلِيِّ بْنِ زَيْدٍ ، عَنْ أَبِي الْمُتَوَكِّلِ ، عَنْ جَابِرِ بْنِ عَبْدِ اللهِ ، أَنَّ رَسُولَ اللهِ - صَلَّى اللهُ عَلَيْهِ وَسَلَّمَ - قَالَ لَهُ فِي غَزْوَةِ تَبُوكَ ، وَهُوَ عَلَى جَمَلٍ أَحْمَرَ ، فَتَخَلَّفَ الْبَعِيرُ ، فَقَالَ رَسُولُ اللهِ - صَلَّى اللهُ عَلَيْهِ وَسَلَّمَ - : مَا شَأْنُكَ يَا جَابِرُ ؟ فَقُلْتُ : يَا رَسُولَ اللهِ ، تَخَلَّفَ بَعِيرِي ، فَأَتَاهُ مِنْ قِبَلِ عَجُزِهِ فَدَعَا لَهُ وَزَجَرَهُ ، فَأَتَى عَلَيَّ رَسُولُ اللهِ - صَلَّى اللهُ عَلَيْهِ وَسَلَّمَ - فَقَالَ : مَا فَعَلَ الْبَعِيرُ يَا جَابِرُ ؟ قُلْتُ : يَا رَسُولَ اللهِ ، مَا زَالَ يَقْدُمُنَا مُنْذُ اللَّيْلَةِ ، قَالَ : فَبِكَمْ أَخَذْتَهُ ؟ فَقُلْتُ : بِثَلَاثَةَ عَشَرَ دِينَارًا ، قَالَ رَسُولُ اللهِ - صَلَّى اللهُ عَلَيْهِ وَسَلَّمَ - : بِعْنِيهِ بِثَمَنِهِ الَّذِي أَخَذْتَهُ وَلَكَ ظَهْرُهُ إِلَى الْمَدِينَةِ ، فَفَعَلْتُ ، فَلَمَّا قَدِمْنَا الْمَدِينَةَ خَطَمْتُهُ فَأَتَيْتُهُ فَأَعْطَانِي الْبَعِيرَ وَالثَّلَاثَةَ عَشَرَ دِينَارًا .

سیدنا جابر بن عبداللہ رضی اللہ عنہما سے روایت ہے کہ رسول اللہ ﷺ نے غزوہ تبوک کے موقع پر ان سے دریافت فرمایا جبکہ وہ ایک سرخ اونٹ پر سوار تھے جو تھکن کی وجہ سے پیچھے رہ گیا تھا، آپ ﷺ نے پوچھا: ”اے جابر! تمہیں کیا ہوا؟“ میں نے عرض کیا: یا رسول اللہ! میرا اونٹ پیچھے رہ گیا ہے، چنانچہ آپ ﷺ اس کے پچھلے حصے کی جانب سے تشریف لائے، اس کے حق میں برکت کی دعا فرمائی اور اسے ڈانٹا (تاکہ وہ تیز چلے)، پھر جب رسول اللہ ﷺ دوبارہ میرے پاس سے گزرے تو دریافت فرمایا: ”اے جابر! اب اونٹ کا کیا حال ہے؟“ میں نے عرض کیا: یا رسول اللہ! یہ تو آج رات سے ہمیں سب سے آگے لے کر چل رہا ہے، آپ ﷺ نے پوچھا: ”تم نے اسے کتنے میں خریدا تھا؟“ میں نے عرض کیا: تیرہ دینار میں، رسول اللہ ﷺ نے فرمایا: ”اسے اسی قیمت پر میرے ہاتھ فروخت کر دو جس پر تم نے اسے خریدا تھا اور مدینہ پہنچنے تک اس کی سواری کا حق تمہارا ہی رہے گا“، میں نے ایسا ہی کیا اور جب ہم مدینہ منورہ پہنچے تو میں نے اس کی نکیل پکڑی اور اسے لے کر آپ ﷺ کی خدمت میں حاضر ہوا تو آپ ﷺ نے مجھے وہ اونٹ بھی واپس کر دیا اور تیرہ دینار کی رقم بھی عطا فرما دی۔