مسند أبي يعلى الموصلي

حَدَّثَنَا أَبُو خَيْثَمَةَ ، حَدَّثَنَا سُفْيَانُ ، عَنِ الزُّهْرِيِّ ، عَنْ أَبِي عُبَيْدٍ ، قَالَ : شَهِدْتُ الْعِيدَ مَعَ عُمَرَ ، فَبَدَأَ بِالصَّلَاةِ قَبْلَ الْخُطْبَةِ ، ثُمَّ قَالَ : إِنَّ رَسُولَ اللهِ صَلَّى اللهُ عَلَيْهِ وَسَلَّمَ نَهَى عَنْ صِيَامِ هَذَيْنِ الْيَوْمَيْنِ : أَمَّا يَوْمُ الْأَضْحَى ، فَتَأْكُلُونَ مِنْ نُسُكِكُمْ ، وَأَمَّا يَوْمُ الْفِطْرِ فَفِطْرُكُمْ مِنْ صِيَامِكُمْ ، قَالَ : وَشَهِدْتُهُ مَعَ عُثْمَانَ ، فَبَدَأَ بِالصَّلَاةِ قَبْلَ الْخُطْبَةِ ، فَوَافَقَ ذَاكَ يَوْمَ الْجُمُعَةِ ، فَقَالَ : إِنَّ هَذَا يَوْمٌ يَجْتَمِعُ فِيهِ عِيدَانِ ، مَنْ كَانَ هَا هُنَا مِنْ أَهْلِ الْعَوَالِي فَقَدْ أَذِنَّا لَهُ ، فَإِنْ شَاءَ أَنْ يَرْجِعَ فَلْيَرْجِعْ ، وَمَنْ أَحَبَّ أَنْ يَمْكُثَ فَلْيَمْكُثْ . ثُمَّ شَهِدْتُهَا مَعَ عَلِيٍّ ، فَبَدَأَ بِالصَّلَاةِ قَبْلَ الْخُطْبَةِ ، وَقَالَ : لَا يَأْكُلْ أَحَدُكُمْ مِنْ نُسُكِهِ فَوْقَ ثَلَاثٍ .

ابو عبید رحمہ اللہ سے روایت ہے کہ میں عید کے دن سیدنا عمر رضی اللہ عنہ کے ساتھ حاضر ہوا، انہوں نے خطبے سے پہلے نماز پڑھائی، پھر فرمایا: ”رسول اللہ ﷺ نے ان دو دنوں کے روزے رکھنے سے منع فرمایا ہے: عید الاضحیٰ کا دن، تاکہ تم اپنی قربانیوں کے گوشت میں سے کھا سکو، اور عید الفطر کا دن، کیونکہ وہ تمہارے روزوں کے افطار (ختم ہونے) کا دن ہے“۔ انہوں نے بیان کیا کہ پھر میں سیدنا عثمان رضی اللہ عنہ کے ساتھ عید میں شریک ہوا، انہوں نے بھی خطبے سے پہلے نماز پڑھائی، اتفاق سے وہ جمعہ کا دن تھا، تو انہوں نے فرمایا: ”بلاشبہ یہ ایسا دن ہے جس میں تمہارے لیے دو عیدیں جمع ہوگئی ہیں، پس اہل عوالی (مدینہ کے مضافات) میں سے جو شخص یہاں موجود ہے، ہم نے اسے (واپسی کی) اجازت دے دی ہے، چنانچہ اگر وہ واپس جانا چاہے تو چلا جائے اور جو ٹھہرنا چاہے وہ ٹھہر جائے“۔ پھر میں سیدنا علی رضی اللہ عنہ کے ساتھ عید میں حاضر ہوا، انہوں نے بھی خطبے سے پہلے نماز پڑھائی اور فرمایا: ”تم میں سے کوئی بھی اپنی قربانی کا گوشت تین دن سے زیادہ نہ کھائے“۔