مسند أبي يعلى الموصلي

حَدَّثَنَا زُهَيْرٌ ، حَدَّثَنَا جَرِيرٌ ، عَنْ مُغِيرَةَ ، عَنْ عَبْدِ الرَّحْمَنِ بْنِ أَبِي نُعْمٍ قَالَ : جَاءَ أَبُو سَعِيدٍ الْخُدْرِيُّ إِلَى رَجُلٍ ، فَقَالَ لَهُ : أَقَرَأْتَ مَا لَمْ نَقْرَأْ ، وَصَحِبْتَ مَا لَمْ نَصْحَبْ ؟ قَالَ : مَا قَرَأْتُ إِلَّا مَا قَرَأْتُمْ ، وَقَدْ صَحِبْتُمْ ، قَالَ : فَفِيمَ تُفْتِي النَّاسَ : الدِّرْهَمَيْنِ بِثَلَاثٍ ، وَالدِّرْهَمَ بِدِرْهَمَيْنِ ؟ فَقَالَ أَبُو سَعِيدٍ : سَمِعْتُ رَسُولَ اللهِ - صَلَّى اللهُ عَلَيْهِ وَسَلَّمَ - يَقُولُ : « الذَّهَبُ بِالذَّهَبِ مِثْلًا بِمِثْلٍ ، فَمَا زَادَ فَهُوَ رِبًا ، وَالْفِضَّةُ بِالْفِضَّةِ مِثْلًا بِمِثْلٍ ، فَمَا زَادَ فَهُوَ رِبًا » . قَالَ : سَمِعْتُهُ بَعْدُ يَقُولُ : اللَّهُمَّ إِنِّي أَتُوبُ إِلَيْكَ مِمَّا كُنْتُ أُفْتِي بِهِ النَّاسَ فِي الصَّرْفِ .

عبدالرحمن بن ابی نعم رحمہ اللہ سے روایت ہے کہ سیدنا ابوسعید خدری رضی اللہ عنہ ایک شخص کے پاس آئے اور اس سے دریافت فرمایا: ”کیا تم نے وہ کچھ پڑھ رکھا ہے جو ہم نے نہیں پڑھا، یا تمہیں ایسی صحبت میسر آئی جو ہمیں نصیب نہ ہوئی؟“ اس نے عرض کیا: ”میں نے تو وہی پڑھا ہے جو آپ حضرات نے پڑھا ہے اور صحبتِ رسول ﷺ کا شرف تو آپ ہی کو حاصل رہا ہے“، آپ رضی اللہ عنہ نے فرمایا: ”پھر تم کس بنیاد پر لوگوں کو دو درہم کے بدلے تین درہم اور ایک درہم کے بدلے دو درہم کے تبادلے کا فتویٰ دیتے ہو؟“ پھر سیدنا ابوسعید خدری رضی اللہ عنہ نے فرمایا کہ میں نے رسول اللہ ﷺ کو یہ فرماتے ہوئے سنا ہے: ”سونا سونے کے عوض برابر برابر ہو، پس جس نے اضافہ کیا وہ سود ہے، اور چاندی چاندی کے عوض برابر برابر ہو، پس جس نے بھی زیادتی کی وہ سود ہے“، راوی بیان کرتے ہیں کہ میں نے اس کے بعد اس شخص کو یہ دعا کرتے ہوئے سنا: «اللَّهُمَّ إِنِّي أَتُوبُ إِلَيْكَ مِمَّا كُنْتُ أُفْتِي بِهِ النَّاسَ فِي الصَّرْفِ» ”اے اللہ! میں ان فتاویٰ سے تیری بارگاہ میں توبہ کرتا ہوں جو میں کرنسی کے تبادلے کے بارے میں لوگوں کو دیا کرتا تھا۔“