مسند أبي يعلى الموصلي

حَدَّثَنَا زُهَيْرٌ ، حَدَّثَنَا إِسْمَاعِيلُ بْنُ إِبْرَاهِيمَ ، حَدَّثَنَا الْجُرَيْرِيُّ ، عَنْ أَبِي نَضْرَةَ ، عَنْ أَبِي سَعِيدٍ الْخُدْرِيِّ قَالَ : اعْتَكَفَ رَسُولُ اللهِ - صَلَّى اللهُ عَلَيْهِ وَسَلَّمَ - الْعَشْرَ الْأَوْسَطَ مِنْ رَمَضَانَ وَهُوِ يَلْتَمِسُ لَيْلَةَ الْقَدْرِ قَبْلَ أَنْ تُبَيَّنَ ، فَلَمَّا انْقَضَى أَمَرَ بِبِنَائِهِ فَنُقِضَ ، ثُمَّ أُبِينَتْ لَهُ أَنَّهَا فِي الْعَشْرِ الْأَوَاخِرِ ، فَأَمَرَ بِالْبِنَاءِ فَأُعِيدَ وَاعْتَكَفَ فِي الْعَشْرِ الْأَوَاخِرِ ، فَخَرَجَ عَلَى النَّاسِ ، فَقَالَ : يَا أَيُّهَا النَّاسُ إِنَّمَا أُبِينَتْ لِي لَيْلَةُ الْقَدْرِ فَخَرَجْتُ لِأُخْبِرَكُمْ بِهَا فَرَأَيْتُ رَجُلَيْنِ يَخْتَصِمَانِ مَعَهُمَا الشَّيْطَانُ وَنُسِّيتُهَا ، فَالْتَمِسُوهَا فِي التَّاسِعَةِ ، وَالسَّابِعَةِ ، وَالْخَامِسَةِ ، فَقُلْتُ : يَا أَبَا سَعِيدٍ ، إِنَّكُمْ أَعْلَمُ بِالْعَدَدِ مِنَّا ، قَالَ : إِنَّا أَحَقُّ بِذَلِكَ مِنْكُمْ ، فَأَمَّا التَّاسِعَةُ ، وَالسَّابِعَةُ ، وَالْخَامِسَةُ . قَالَ : تَدَعُ الَّتِي تَدْعُونَ : إِحْدَى وَعِشْرِينَ ، وَالَّتِي تَلِيهَا التَّاسِعَةُ ، وَتَدَعُ الَّتِي تَدْعُونَ : ثَلَاثَةً وَعِشْرِينَ ، وَالَّتِي تَلِيهَا السَّابِعَةُ ، وَتَدَعُ الَّتِي تَدْعُونَ : خَمْسًا وَعِشْرِينَ ، وَالَّتِي تَلِيهَا الْخَامِسَةُ .

سیدنا ابوسعید خدری رضی اللہ عنہ سے روایت ہے کہ رسول اللہ ﷺ نے رمضان المبارک کے درمیانی عشرے میں اعتکاف فرمایا جبکہ آپ ﷺ لیلۃ القدر کو تلاش کر رہے تھے اس سے پہلے کہ وہ آپ ﷺ پر واضح کی جاتی، چنانچہ جب وہ عشرہ گزر گیا تو آپ ﷺ نے اپنا خیمہ اکھاڑنے کا حکم دیا اور وہ اکھاڑ دیا گیا، پھر آپ ﷺ پر یہ بات واضح کر دی گئی کہ وہ رات آخری عشرے میں ہے، چنانچہ آپ ﷺ نے دوبارہ خیمہ لگانے کا حکم دیا اور وہ پھر سے لگا دیا گیا اور آپ ﷺ نے آخری عشرے کا اعتکاف فرمایا، پھر آپ ﷺ لوگوں کے پاس تشریف لائے اور فرمایا: ”اے لوگو! مجھے لیلۃ القدر دکھا دی گئی تھی اور میں تمہیں اس کی اطلاع دینے کے لیے نکلا تھا کہ میں نے دو آدمیوں کو آپس میں جھگڑتے ہوئے دیکھا جن کے ساتھ شیطان موجود تھا، چنانچہ وہ رات مجھے بھلا دی گئی، لہٰذا اب تم اسے (آخری عشرے کی) نویں، ساتویں اور پانچویں (رات) میں تلاش کرو۔“ ابو نضرہ رحمہ اللہ کہتے ہیں کہ میں نے عرض کی: اے ابوسعید! آپ حضرات تو ہم سے بڑھ کر گنتی کا علم رکھنے والے ہیں؟ انہوں نے فرمایا: ”ہاں، ہم اس معاملے میں تم سے زیادہ حقدار ہیں (یعنی زیادہ جانتے ہیں)۔“ (پھر انہوں نے اس کی وضاحت کرتے ہوئے) فرمایا: ”جسے تم اکیسویں رات کہتے ہو اسے چھوڑ کر اگلی رات نویں ہے، اور جسے تم تئیسویں کہتے ہو اسے چھوڑ کر اگلی رات ساتویں ہے، اور جسے تم پچیسویں کہتے ہو اسے چھوڑ کر اگلی رات پانچویں ہے۔“