مسند أبي يعلى الموصلي

وَعَنْ أَبِي سَعِيدٍ قَالَ : دَخَلَ رَسُولُ اللهِ - صَلَّى اللهُ عَلَيْهِ وَسَلَّمَ - الْمَسْجِدَ فَبَصُرَ بِنُخَامَةٍ فِي قِبْلَةِ الْمَسْجِدِ فَاسْتَبَانَهَا بِعُودٍ كَانَ مَعَهُ ، أَوْ قَصَبَةٍ ، ثُمَّ أَقْبَلَ عَلَى الْقَوْمِ يَعْرِفُونَ الْغَضَبَ فِي وَجْهِهِ ، فَقَالَ : مَنْ صَاحِبُ هَذَا ؟ فَسَكَتَ الْقَوْمُ ، فَقَالَ رَسُولُ اللهِ - صَلَّى اللهُ عَلَيْهِ وَسَلَّمَ - : أَيُحِبُّ أَحَدُكُمْ إِذَا قَامَ فِي مُصَلَّاهُ أَنْ يَسْتَقْبِلَهُ رَجُلٌ فَيَنْخَعَ فِي وَجْهِهِ ؟ قَالُوا : يَا رَسُولَ اللهِ ، مَا نُحِبُّ ذَلِكَ ، قَالَ : « فَإِنَّ اللهَ بَيْنَ أَيْدِيكُمْ ، فَلَا يُوَاجِهَنَّ أَحَدُكُمْ بِشَيْءٍ مِنَ الْأَذَى بَيْنَ يَدَيْهِ ، وَلَكِنْ عَنْ يَسَارِهِ أَوْ تَحْتَ قَدَمِهِ » .

سیدنا ابوسعید رضی اللہ عنہ سے روایت ہے کہ رسول اللہ ﷺ مسجد میں داخل ہوئے تو آپ کی نظر قبلہ کی سمت دیوار پر لگے ہوئے بلغم پر پڑی، آپ ﷺ نے اپنے پاس موجود ایک لکڑی یا ٹہنی سے اسے کھرچ کر صاف کر دیا، پھر آپ ﷺ لوگوں کی طرف اس حال میں متوجہ ہوئے کہ وہ آپ ﷺ کے چہرہ مبارک پر غصے کے آثار دیکھ رہے تھے، آپ ﷺ نے دریافت فرمایا: ”اس کا ذمہ دار کون ہے؟“، سب لوگ خاموش رہے، پھر رسول اللہ ﷺ نے ارشاد فرمایا: ”کیا تم میں سے کوئی یہ پسند کرتا ہے کہ جب وہ اپنی جائے نماز پر کھڑا ہو تو کوئی شخص اس کے سامنے آکر اس کے چہرے پر تھوک دے؟“، صحابہ نے عرض کیا: اے اللہ کے رسول! ہم اسے ہرگز پسند نہیں کرتے، آپ ﷺ نے فرمایا: ”پس یاد رکھو کہ اللہ تعالی تمہارے سامنے ہوتا ہے، لہذا تم میں سے کوئی بھی اپنے سامنے کی جانب کسی قسم کی تکلیف دہ چیز نہ پھینکے، بلکہ اپنی بائیں جانب یا اپنے قدم کے نیچے (تھوک لیا کرے)“۔