مسند أبي يعلى الموصلي

حَدَّثَنَا مَسْرُوقُ بْنُ الْمَرْزُبَانِ ، حَدَّثَنَا يَحْيَى بْنُ زَكَرِيَّا ، عَنْ مُجَالِدٍ ، عَنْ أَبِي الْوَدَّاكِ ، عَنْ أَبِي سَعِيدٍ قَالَ : كَانَ النَّبِيُّ - صَلَّى اللهُ عَلَيْهِ وَسَلَّمَ - يَقُومُ إِلَى خَشَبَةٍ يَتَوَكَّأُ عَلَيْهَا ، يَخْطُبُ كُلَّ جُمُعَةٍ ، حَتَّى أَتَاهُ رَجُلٌ مِنَ الْقَوْمِ ، فَقَالَ : إِنْ شِئْتَ جَعَلْتُ لَكَ شَيْئًا إِذَا قَعَدْتَ عَلَيْهِ كُنْتَ كَأَنَّكَ قَائِمٌ . قَالَ : « نَعَمْ » . قَالَ : فَجَعَلَ لَهُ الْمِنْبَرَ ، فَلَمَّا جَلَسَ عَلَيْهِ حَنَّتِ الْخَشَبَةُ حَنِينَ النَّاقَةِ عَلَى وَلَدِهَا ، حَتَّى نَزَلَ النَّبِيُّ - صَلَّى اللهُ عَلَيْهِ وَسَلَّمَ - فَوَضَعَ يَدَهُ عَلَيْهَا ، فَلَمَّا كَانَ مِنَ الْغَدِ ، رَأَيْتُهَا قَدْ حُوِّلَتْ . فَقُلْنَا : مَا هَذَا ؟ قَالُوا : جَاءَ النَّبِيُّ - صَلَّى اللهُ عَلَيْهِ وَسَلَّمَ - الْبَارِحَةَ ، وَأَبُو بَكْرٍ ، وَعُمَرُ فَحَوَّلُوهَا .

سیدنا ابو سعید رضی اللہ عنہ سے روایت ہے کہ نبی کریم ﷺ لکڑی کے ایک ستون کے پاس کھڑے ہو کر اس کا سہارا لیا کرتے تھے اور ہر جمعہ اسی پر ٹیک لگا کر خطبہ ارشاد فرماتے تھے، یہاں تک کہ لوگوں میں سے ایک شخص آپ ﷺ کی خدمت میں حاضر ہوا اور عرض کی: اگر آپ چاہیں تو میں آپ کے لیے ایسی چیز بنا دوں کہ جب آپ اس پر بیٹھیں تو (بلندی کی وجہ سے) آپ کھڑے ہوئے ہی معلوم ہوں؟ آپ ﷺ نے فرمایا: ”ہاں“، راوی کہتے ہیں کہ چنانچہ اس نے آپ ﷺ کے لیے منبر تیار کر دیا، پھر جب آپ ﷺ (خطبہ دینے کے لیے) اس پر تشریف فرما ہوئے تو وہ لکڑی کا ستون اس طرح بلبلا کر رونے لگا جیسے اونٹنی اپنے بچے کے لیے تڑپتی اور بلبلاتی ہے، یہاں تک کہ نبی کریم ﷺ منبر سے نیچے تشریف لائے اور اپنا دستِ مبارک اس پر رکھا (تو اسے قرار آیا)، پھر جب اگلا دن ہوا تو میں نے دیکھا کہ وہ لکڑی اپنی جگہ سے ہٹا دی گئی تھی، ہم نے پوچھا: یہ کیا معاملہ ہے؟ لوگوں نے بتایا کہ گزشتہ رات نبی کریم ﷺ، سیدنا ابوبکر اور سیدنا عمر رضی اللہ عنہما تشریف لائے تھے اور انہوں نے مل کر اسے وہاں سے منتقل کر دیا ہے۔