مصنف ابن ابي شيبه

حضرت ابوہریرہ مرفوعاً روایت کرتے ہیں کہ جب پڑھنے والا آمین کہے تو تم بھی آمین کہو۔ پس جس کی آمین فرشتوں کی آمین سے موافقت کر جائے گی اس کے سابقہ گناہوں کو معاف کردیا جائے گا۔

حضرت عبد الجبار بن وائل اپنے والد سے روایت کرتے ہیں کہ میں نے نبی کریم صلی اللہ علیہ وآلہ وسلم کی معیت میں نماز پڑھی۔ پس جب آپ صلی اللہ علیہ وآلہ وسلم نے { غَیْرِ الْمَغْضُوبِ عَلَیْہِمْ ، وَلاَ الضَّالِّینَ } کہا تو آپ صلی اللہ علیہ وآلہ وسلم نے آمین کہا۔

حضرت وائل بن حجر فرماتے ہیں کہ میں ے نبی کریم صلی اللہ علیہ وآلہ وسلم کو سُنا کہ آپ صلی اللہ علیہ وآلہ وسلم نے { وَلاَ الضَّالِّینَ } پڑھا تو کہا آمین ۔ اس میں آپ صلی اللہ علیہ وآلہ وسلم نے اپنی آواز کو لمبا کیا۔ اور (امام) ابوحنیفہ کا قول یہ ذکر کیا گیا ہے کہ : امام آمین کہتے ہوئے آواز بلند نہیں کرے گا اور مقتدی آمین کہیں گے۔