مصنف ابن ابي شيبه

حضرت منصور رحمہ اللہ فرماتے ہیں کہ میں نے ابراہیم رحمہ اللہ سے دیلم والوں کو دعوت دینے سے متعلق پوچھا : ؟ تو آپ رحمہ اللہ نے ارشاد فرمایا : تحقیق وہ جان چکے ہیں جس بات کی ان کو دعوت دی گئی ہے۔

حضرت قتادہ رحمہ اللہ فرماتے ہیں کہ حسن بصری رحمہ اللہ نے ارشاد فرمایا : اس میں کوئی حرج نہیں کہ جب مسلمان مشرکین سے ملیں اور ان کو اسلام قبول کرنے کی دعوت نہ دیں۔ اس لیے کہ وہ تمہارے دین کو اور جن باتوں کی طرف تم نے ان کو دعوت دینی ہے وہ اس کو جان چکے ہیں۔

حضرت ابو ھلال رحمہ اللہ فرماتے ہیں کہ حسن بصری رحمہ اللہ سے دشمن کے متعلق پوچھا گیا : کہ کیا ان کو قتال سے قبل دعوت دی جائے گی ؟ آپ رحمہ اللہ نے فرمایا : جب سے اللہ رب العزت نے محمد ﷺ کو مبعوث فرمایا ہے تحقیق ان تک اسلام کی دعوت پہنچ چکی ہے۔