مصنف ابن ابي شيبه

داؤد بن ابی ہند فرماتے ہیں کہ حضرت عامر سے اس آدمی کے بارے میں سوال کیا گیا جس نے مرتے وقت تین بیٹے چھوڑے اور ایک بیٹے کے حصّے کے بقدر مال کی وصیت کردی آپ نے فرمایا : وہ آدمی جو چوتھا ہے، اس کو ایک چوتھائی حصّہ ملے گا۔

منصور اور اعمش روایت کرتے ہیں کہ ابراہیم نے فرمایا : جب کوئی آدمی تین بیٹے چھوڑ کر مرے اور ایک بیٹے کے حصّے کے بقدر مال کی وصیت کر دے تو ایک آدمی کا اضافہ سمجھ کر مال کو چار حصّوں میں تقسیم کرلو۔

شعبی سے بھی یہی مضمون منقول ہے۔