مصنف ابن ابي شيبه

حضرت بدیل فرماتے ہیں کہ حضرت جابر بن زید نے ارشاد فرمایا : جب آدمی جانور سے جماع کرے تو اس پر حد قائم کی جائے گی۔

حضرت عکرمہ فرماتے ہیں کہ حضرت حسن بن علی رضی اللہ عنہ سے ایک آدمی کے متعلق پوچھا گیا جس نے جانور سے جماع کیا تھا ؟ آپ نے فرمایا : اگر وہ شادی شدہ ہو تو اسے سنگسار کردیا جائے۔

حضرت بکیر بن عبداللہ بن اشج فرماتے ہیں کہ حضرت سلیمان بن یسار اس شخص پر حد قائم کرتے تھے۔

حضرت ہشام فرماتے ہیں کہ حسن بصری سے اس شخص کے بارے میں مروی ہے جو جانور اور غلام سے جماع کرتا ہو آپ نے فرمایا : اس پر حد جاری ہوگی۔

حضرت ابن ابی ذئب فرماتے ہیں کہ حضرت زھری نے ارشاد فرمایا : جب آدمی نے جانور سے جماع کیا تو اس پر مکمل حد لگائی جائے گی اور جو عورت پر جانور سے بدفعلی رضی اللہ عنہ کا الزام لگائے تو اس پر حد لگے گی۔

حضرت یزید فرماتے ہیں کہ حضرت مسروق سے اس شخص کے بارے میں مروی ہے جو جانور سے جماع کرے آپ نے فرمایا : جب اس نے ایسا کیا تو اس جانور کو ذبح کردیا جائے۔

داؤد فرماتے ہیں کہ حضرت مسروق نے ارشاد فرمایا : جانور سے وطی کرنے والے کو سنگسار کیا جائے گا اور اس پتھر کو بھی سنگسار کیا جائے گا جس سے اسے رجم کیا گیا۔

حضرت لیث فرماتے ہیں کہ حضرت حکم نے ارشاد فرمایا : جو شخص جانور سے صحبت کرلے اس پر حد قائم کی جائے گی۔

حضرت علاء بن مسیب فرماتے ہیں کہ ان کے والد حضرت مسیب نے ارشاد فرمایا : جو شخص جانور سے صحبت کرے تو اس پر حد جاری نہیں ہوگی۔

حضرت معمر فرماتے ہیں کہ حضرت زھری سے اس شخص کے بارے میں مروی ہے جو جانور سے جماع کرے آپ نے فرمایا : اس پر کم سے کم سزا نہیں جاری ہوگی : شادی شدہ ہو یا شادی شدہ نہ ہو۔

حضرت ابن عباس رضی اللہ عنہما فرماتے ہیں کہ نبی کریم صلی اللہ علیہ وآلہ وسلم نے ارشاد فرمایا : جانور سے بدفعلی رضی اللہ عنہ کرنے والے کو اور اس جانور کو قتل کردو۔