مصنف ابن ابي شيبه

حضرت عاصم فرماتے ہیں کہ حسن بصری نے ارشاد فرمایا : چار چیزیں بادشاہ کے سپرد ہیں زکوٰۃ، نماز، سزائیں اور فیصلے۔

حضرت جبلہ بن عطیہ فرماتے ہیں کہ حضرت ابن محیریز نے ارشاد فرمایا : جمعہ، سزائیں، زکوٰۃ اور مال فئی بادشاہ کے سپرد ہیں۔

حضرت مغیرہ بن زیاد فرماتے ہیں کہ حضرت عطاء خراسانی نے ارشاد فرمایا : زکوٰۃ، جمعہ اور سزائیں بادشاہ کے سپرد ہیں۔

حضرت محمد بن عمرو فرماتے ہیں کہ حضرت عمر بن عبدالعزیز نے ارشاد فرمایا : بادشاہ ولی ہے اس شخص کا جو دین کی جنگ لڑے اگرچہ وہ کسی آدمی کے بھائی یا اس کے باپ کو قتل کردے۔