مصنف ابن ابي شيبه

امام زہری فرماتے ہیں کہ نبی کریم صلی اللہ علیہ وآلہ وسلم نے قسامت میں یوں فیصلہ فرمایا کہ قسم مدعی علیہم پر لازم ہوگی۔

حضرت عبیداللہ بن عمر فرماتے ہیں کہ انہوں نے اپنے اصحاب کو یوں بیان کرتے ہوئے سنا کہ حضرت عمر بن عبدالعزیز نے اس بات کی ابتداء کی مدعی علیہم کے ذمہ قسم ہوگی پھر آپ نے ان کو دیت کا ضامن بنایا۔

حضرت فضیل بن عمرو فرماتے ہیں کہ حضرت ابن عباس رضی اللہ عنہما نے مدعی علیہم پر قسم کا فیصلہ فرمایا۔

حضرت زہری فرماتے ہیں کہ حضرت سعید بن مسیب یہ رائے رکھتے تھے کہ قسم مدعی علیہم پر لازم ہے۔

حضرت زہری فرماتے ہیں کہ رسول اللہ صلی اللہ علیہ وآلہ وسلم نے مدعی علیہم پر قسم کا فیصلہ فرمایا۔