مصنف ابن ابي شيبه

حضرت جابر فرماتے ہیں کہ حضرت عامر نے ارشاد فرمایا : زخمی سے قصاص نہیں لیا جائے گا یہاں تک کہ اس کا زخم بھر جائے۔

حضرت ہشام فرماتے ہیں کہ حسن بصری نے ارشاد فرمایا : زخم پہنچانے والے سے قصاص نہیں لیاجائے گا یہاں تک کہ زخم والے کا زخم بھرجائے۔

حضرت ابن جریج فرماتے ہیں کہ حضرت عطاء نے ارشاد فرمایا : قصاص لینے کا انتظار کیا جائے گا کہ اس کا زخم بھر جائے۔

حضرت عمرو بن دینار فرماتے ہیں حضرت جابر نے ارشاد فرمایا : ایک آدمی نے کسی آدمی کے گھٹنے میں نیزے کا سینگ ماردیا پس وہ نبی کریم صلی اللہ علیہ وآلہ وسلم کے پاس قصاص طلب کرنے کے لیے آگیا اس کو کہا گیا یہاں تک کہ تو تندرست ہوجائے اس نے انکار کیا اور جلدی قصاص طلب کرلیا راوی کہتے ہیں : پس اس کی ٹانگ پھر ٹوٹ گئی اور جس سے قصاص لیا گیا تھا اس کی ٹانگ صحتمند ہوگئی پس وہ نبی کریم صلی اللہ علیہ وآلہ وسلم کے پاس آیا آپ صلی اللہ علیہ وآلہ وسلم نے فرمایا : تجھے کچھ نہیں ملا تو نے انکار کردیا۔