مصنف ابن ابي شيبه

حضرت شعبی اور حضرت حکم یہ دونوں حضرات فرماتے ہیں کہ ابراہیم نے ارشاد فرمایا : سب سے پہلے تنخواہ مقرر کرنے والے حضرت عمر بن خطاب ہیں اور آپ نے مکمل دیت تین سالوں میں مقرر فرمائی : دیت کے دو تہائی حصے دوسالوں میں اور آدھا حصہ دو سالوں میں اور ایک تہائی ایک سال میں اور جو اس سے کم ہو تو وہ اسی سال میں ادا کرنی ہوگی۔

حضرت مغیرہ فرماتے ہیں کہ ابراہیم نے ارشاد فرمایا : دیت کی ادائیگی تین سالوں میں ہوگی اس کا پہلا حصہ اس سال میں ادا کرے گا جس میں تکلیف پہنچائی اور دو تہائی حصے دوسالوں میں اور ایک تہائی ایک سال میں۔

ایوب ابوالعلائ فرماتے ہیں کہ حضرت قتادہ اور حضرت ہاشم ان دونوں حضرات نے ارشاد فرمایا : دیت کی ادائیگی تین سالوں میں ہوگی : دیت کے دو تہائی اور آدھا حصہ دو سالوں میں اور ایک تہائی حصہ ایک سال میں۔

حضرت حریث فرماتے ہیں کہ حضرت شعبی نے ارشاد فرمایا : دیت کی ادئیگی تین سالوں میں ہوگی اس طرح کہ ہر سال میں ایک تہائی دینا ہوگا۔