مصنف ابن ابي شيبه

حضرت قاسم بن نافع فرماتے ہیں کہ حضرت علی رضی اللہ عنہ بن ماجدہ نے فرمایا : میں نے کسی بچہ کو مارا اور میں نے اس کی ناک کاٹ دی پھر مجھے حضرت ابوبکر کے پاس لایا گیا۔ انہوں نے مجھ سے قصاص نہیں لیا اور آپ میرے خاندان والوں پر دیت کو لازم فرمایا۔

حضرت ہشام فرماتے ہیں کہ حسن بصری نے بچہ اور مجنون دونوں کے بارے میں ارشاد فرمایا : ان دونوں کا غلطی سے یا جان بوجھ کر کسی کو نقصان پہنچانا ان کے خاندان والوں کے حق میں برابر ہے۔

حضرت عبیدہ فرماتے ہیں کہ ابراہیم نے ارشاد فرمایا : بچہ کا جان بوجھ کر اور غلطی سے نقصان پہنچانا خاندان والوں کے حق میں برابر ہے۔

حضرت شعبی حضرت حکم اور حضرت حماد یہ سب حضرات فرماتے ہیں کہ حضرات ابراہیم نے ارشاد فرمایا : بچہ کا جان بوجھ کر اور غلطی سے نقصان پہنچانا خاندان والوں کے حق میں برابر ہے۔