مصنف ابن ابي شيبه

حضرت سعید بن مسیب کا ارشاد ہے کہ جب دونوں ابروئیں جڑ سے اکھڑ جائیں تو اس میں دیت ہے اور اگر ایک اکھڑ جائے تو اس میں آدھی دیت ہے۔

حضرت شعبی نے فرمایا ہے کہ دونوں ابروؤں میں دیت ہے۔

حسن نے فرمایا کہ دونوں ابروؤں میں دیت (کاملہ) اور ایک میں آدھی دیت ہے۔

حضرت عمرو بن شعیب نے فرمایا ہے کہ ابوبکر نے ابرو کے بارے میں جس کو زخم پہنچا حتیٰ کہ دونوں ہڈیاں واضح ہوگئیں تھیں دس اونٹوں کا فیصلہ فرمایا۔

حضرت زید بن ثابت نے فرمایا ہے کہ دونوں ابروؤں میں دیت کا تیسرا حصہ ہے۔

ابراہیم کا ارشاد ہے کہ آدمی اور عورت کے ہر جوڑے جوڑے والے اعضا میں دیت ہوگی، یعنی ہاتھ اور ابروئیں وغیرہ اور شعبی نے فرمایا ہے کہ ہر جوڑے والے اعضاء میں دیت ہے۔

حضرت ابن جرویج کا ارشاد ہے کہ مجھے عبدالکریم بن ابی المخارق نے بتایا ہے کہ ان کو آپ صلی اللہ علیہ وآلہ وسلم کے کسی صحابی نے یہ بات بتائی ہے کہ ابرو کے بال جھڑگئے ہوں تو اس پور ی ابرو میں تو دیت کا چوتھائی ہے اور جس میں ابرو میں کچھ جھڑ چکے ہوں تو اسکے حسا ب سے دیت دینا ہوگی۔

ابراہیم نے فرمایا کہ یوں کہا جاتا تھا کہ انسان کے جو اعضاء جوڑے والے ہیں ان میں دیت ہے اور ان میں سے ایک میں آدھی دیت ہے اور جو اعضاء اکیلے ہیں ان میں (پوری) دیت ہے۔