مصنف ابن ابي شيبه

حضرت ابو جحیفہ فرماتے ہیں کہ رسول اللہ صلی اللہ علیہ وآلہ وسلم نے حضرت سلمان اور حضرت ابو الدرداء کے درمیان بھائی چارہ قائم کیا۔

حضرت بشیر بن عبد الرحمن بن کعب بن مالک فرماتے ہیں کہ نبی کریم صلی اللہ علیہ وآلہ وسلم نے حضرت زبیر اور حضرت کعب بن مالک کے درمیان بھائی چارہ قائم کیا۔

حضرت ابن ابی لیلیٰ فرماتے ہیں کہ رسول اللہ صلی اللہ علیہ وآلہ وسلم نے حضرت زید اور حضرت حمزہ کے درمیان بھائی چارہ قائم کیا۔

حضرت انس رضی اللہ عنہ فرماتے ہیں کہ رسول اللہ صلی اللہ علیہ وآلہ وسلم نے حضرت ابو طلحہ اور حضرت ابوعبیدہ بن جراح کے درمیان بھائی چارہ قائم کیا۔

حضرت شھر بن حوشب فرماتے ہیں کہ رسول اللہ صلی اللہ علیہ وآلہ وسلم نے حضرت عوف بن مالک اور حضرت صعب بن جثامہ کے درمیان بھائی چارہ قائم کیا۔

حضرت ابن عباس رضی اللہ عنہما فرماتے ہیں کہ نبی کریم صلی اللہ علیہ وآلہ وسلم نے حضرت علی رضی اللہ عنہ سے فرمایا : تم میرے بھائی اور میرے ساتھی ہو۔

حضرت انس رضی اللہ عنہ فرماتے ہیں کہ نبی کریم صلی اللہ علیہ وآلہ وسلم نے حضرت عبد الرحمن بن عوف اور حضرت سعد بن ربیع کے درمیان بھائی چارہ قائم کیا۔