مصنف ابن ابي شيبه

حضرت ابن عون فرماتے ہیں کہ محمد نے ارشاد فرمایا : کہ میں نے ایک کتاب پڑھی جس میں یوں لکھا تھا : جو اللہ نے چاہا اور امیر نے، آپ نے فرمایا : امیر نے اللہ کے بعد چاہا۔

حضرت حذیفہ رضی اللہ عنہ فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا : تم یوں مت کہو : جو اللہ نے چاہا اور فلاں نے چاہا، لیکن یوں کہہ لیا کرو جو اللہ نے چاہا پھر فلاں نے چاہا۔

حضرت ابن عباس رضی اللہ عنہما فرماتے ہیں کہ ایک آدمی نبی کریم صلی اللہ علیہ وآلہ وسلم کی خدمت میں آیا، اس نے کچھ بات بیان کی اور فرمایا : جو اللہ نے چاہا اور آپ نے چاہا۔ آپ صلی اللہ علیہ وآلہ وسلم نے فرمایا : تم نے مجھے اللہ کے برابر کردیا۔ نہیں بلکہ یوں کہو : جو اللہ نے چاہا۔