مصنف ابن ابي شيبه

حضرت محمد بن سوقہ فرماتے ہیں کہ میں حضرت نعیم بن ابی ھند کے پاس آیا تو آپ نے مجھے ایک صحیفہ نکال کر دکھایا اس میں یوں لکھا ہوا تھا۔ ابو عبیدہ بن جراح اور معاذ بن جبل کی جانب سے حضرت عمر بن خطاب کی طرف ۔ آپ پر سلامتی ہو ۔ اما بعد : حمدو صلوۃ کے بعد اور پھر جب حضرت عمر نے ان دونوں کو خط کا جواب لکھا تو وہ یوں تھا۔ عمر بن خطاب کی جانب سے حضرت ابو عبیدہ بن جراح اور حضرت معاذ بن جبل کی طرف، تم دونوں پر سلام ہو، اما بعد۔

امام شعبی فرماتے ہیں کہ حضرت عائشہ رضی اللہ عنہا نے حضرت معاویہ کی طرف خط لکھا تو اس میں لکھا : اما بعد۔

حضرت ابو قلابہ فرماتے ہیں کہ مجھے اس شخص نے بیان کیا جس نے حضرت عثمان کا خط پڑھا یا اس پر حضرت عثمان کا خط پڑھا گیا۔ آپ نے یوں لکھا تھا، اما بعد۔

حضرت عبدہ بن سلیمان فرماتے ہیں کہ حضرت ہشام بن عروہ نے ارشاد فرمایا : کہ میں نے نبی کریم صلی اللہ علیہ وآلہ وسلم کے خطوط پڑھے جب بھی کوئی بات ختم ہوتی تو آپ صلی اللہ علیہ وآلہ وسلم فرماتے ” اما بعد “

حضرت عامر فرماتے ہیں کہ حضرت زیاد نے ارشاد فرمایا : بیشک داؤد کو یہ فصل خطاب عطا کیا گیا تھا ” اما بعد “۔

حضرت جعفر بن برقان فرماتے ہیں کہ حضرت عمر بن عبد العزیز نے خط میں یوں لکھا ” امابعد “ پھر ارشاد فرمایا : نبی کریم صلی اللہ علیہ وآلہ وسلم کے خطوط میں بھی یوں لکھا ہوتا تھا ” اما بعد “۔

حضرت زید بن اسلم فرماتے ہیں کہ میرے والد نے مجھے حضرت ابن عمر رضی اللہ عنہما کے پاس بھیجا میں نے ان کو دیکھا کہ وہ خط لکھ رہے تھے اور یوں لکھا کہ : بِسْمِ اللہِ الرَّحْمَن الرَّحِیمِ أَمَّا بَعْدُ ۔

حضرت ابو اسامہ فرماتے ہیں کہ حضرت ہشام نے ارشاد فرمایا کہ میں نے نبی کریم صلی اللہ علیہ وآلہ وسلم کے خطوط میں سے کچھ خطوط پڑھے جب بھی کوئی بات مکمل ہوتی تو آپ صلی اللہ علیہ وآلہ وسلم فرماتے : ” اما بعد “۔

حضرت سمرہ فرماتے ہیں کہ نبی کریم صلی اللہ علیہ وآلہ وسلم نے خطبہ دیا اور فرمایا : ” اما بعد “۔

حضرت ابو حمید الساعدی فرماتے ہیں کہ نبی کریم صلی اللہ علیہ وآلہ وسلم نے خطبہ دیا اور فرمایا : ” اما بعد “۔

حضرت عائشہ رضی اللہ عنہا فرماتی ہیں کہ نبی کریم صلی اللہ علیہ وآلہ وسلم نے بات کی اور فرمایا : اما بعد۔

حضرت جابر فرماتے ہیں کہ نبی کریم صلی اللہ علیہ وآلہ وسلم نے خطبہ دیا اور فرمایا ” اما بعد “۔

حضرت طفیل بن سخبرہ جو حضرت عائشہ رضی اللہ عنہا کے رضاعی بھائی ہیں فرماتے ہیں کہ نبی کریم صلی اللہ علیہ وآلہ وسلم نے فرمایا : أَمَّابَعْدُ ۔

حضرت زید بن ارقم رضی اللہ عنہ فرماتے ہیں کہ نبی کریم صلی اللہ علیہ وآلہ وسلم نے صحابہ کو خطبہ دیا اور فرمایا : أَمَّابَعْدُ ۔

حضرت ابن ابی لیلیٰ فرماتے ہیں کہ حضرت ابو الدرداء نے حضرت مسلمہ بن مخلد کو خط لکھا جو کہ مصر کے امیر تھے اور اس میں لکھا : أَمَّابَعْدُ ۔

حضرت عبد اللہ بن ھبیرہ فرماتے ہیں کہ حضرت ابو الدرداء نے حضرت سلمان کو خط میں لکھا ” اما بعد “ اور حضرت سلمان نے حضرت ابو الدرداء کو خط میں لکھا ” أَمَّا بَعْدُ “۔

حضرت سعید بن ابی بردہ فرماتے ہیں کہ حضرت عمر نے حضرت ابو موسیٰ کو خط میں یوں لکھا : أَمَّابَعْدُ ۔

حضرت عبد اللہ بن عکیم فرماتے ہیں کہ حضرت ابوبکر نے ہمیں خطبہ دیا اور فرمایا : أَمَّابَعْدُ ۔

حضرت بلال بن حارث فرماتے ہیں کہ حضرت عمر بن خطاب نے خطبہ دیا اور فرمایا : أَمَّابَعْدُ ۔

امام محمد فرماتے ہیں کہ حضرت ابو موسیٰ نے حضرت عامر بن عبد اللہ کو جو حضرت ابن عبد القیس کے نام سے پکارے جاتے تھے کو خط میں یوں لکھا۔ أَمَّابَعْدُ ۔