مصنف ابن ابي شيبه

حضرت ابو سعید خدری سے روایت ہے، وہ کہتے ہیں کہ جناب رسول اللہ صلی اللہ علیہ وآلہ وسلم نے ایک ایسے آدمی کو زجر فرمایا جس نے کھڑے ہو کر پیا تھا۔

حضرت انس بن مالک رضی اللہ عنہ سے روایت ہے، وہ کہتے ہیں کہ جناب رسول اللہ صلی اللہ علیہ وآلہ وسلم نے کھڑے ہو کر پینے سے منع فرمایا۔

حضرت قتادہ، حضرت انس کے بارے میں روایت کرتے ہیں کہ انہوں نے حضرت انس سے کھڑے ہونے کی حالت میں پینے کے بارے میں سوال کیا ؟ تو انہوں نے اس کو ناپسند سمجھا۔

حضرت منصور، حسن کے بارے میں روایت کرتے ہیں کہ وہ کھڑے ہونے کی حالت میں پانی پینے کو ناپسند سمجھتے تھے۔

ابراہیم سے روایت ہے، وہ کہتے ہیں کہ کھڑے ہو کر پینا صرف اس وجہ سے مکروہ ہے کہ اس کی وجہ سے پیٹ میں بیماری ہوجاتی ہے۔