مصنف ابن ابي شيبه

حسن فرماتے ہیں کہ چرواہا ضامن ہوگا مگر یہ کہ جانور مرجائیں۔

حضرت عامر سے دریافت کیا گیا کہ اگر چرواہا مزدور ہو تو کیا وہ ضامن ہوگا ؟ فرمایا کہ نہیں۔

حضرت شعبی رحمہ اللہ فرماتے ہیں کہ چرواہا ضامن ہوگا۔

حضرت عامر فرماتے ہیں کہ چرواہے پر ضمان نہیں ہے۔

حضرت سعید بن المسیب فرماتے ہیں کہ چرواہا ضامن نہیں ہوگا۔

حضرت زہری سے بھی یہی مروی ہے۔

حضرت شعبی رحمہ اللہ فرماتے ہیں کہ میں نے حضرت شریح کو کبھی بھی نہیں دیکھا تھا، مگر انہوں نے اجیر کو ضامن بنایا، سوائے ایک شخص کے کہ اس نے دوسرے سے دو خچروں پر گھاس ادھار لیا، پھر ان میں سے ایک بھاگ گیا پس انہوں نے اس کو ضامن نہیں بنایا۔

ابراہیم فرماتے ہیں کہ اگر چرواہا کئی لوگوں کا ہو تو پھر وہ ضامن ہوگا، اور اگر صرف تمہارا چرواہا ہو تو پھر اس پر ضمان نہیں ہے۔

حضرت زہری فرماتے ہیں کہ چرواہا ضامن نہیں ہوگا۔