مصنف ابن ابي شيبه

نبی کریم صلی اللہ علیہ وسلم نے بیع محاقلہ اور بیع مزابنہ سے منع فرمایا ہے۔ (محاقلہ کہتے ہیں کہ زمین کو گندم کے بدلے کرایہ پر دینا، اور مزابنہ بولتے ہیں کٹی ہوئی کھجوروں کی درخت پر لگی ہوئی کھجوروں کے ساتھ بیع کرنا۔ )

نبی کریم صلی اللہ علیہ وسلم سے اسی طرح مروی ہے۔

آنحضرت صلی اللہ علیہ وسلم نے پھلوں کی کھجور کے ساتھ بیع کرنے کو منع فرمایا ہے، اور عریّہ کی اجازت دی ہے، (عریہ کہتے ہیں کھجور کے درخت کسی کو پھل کھانے کے لئے دینا) کہ اندازے کے ساتھ بیع کی جائے اور اس کا مالک تازہ کھجور کھائے۔

آنحضرت صلی اللہ علیہ وسلم نے بیع محاقلہ اور بیع مزابنہ سے منع فرمایا ہے۔

آنحضرت صلی اللہ علیہ وسلم نے بیع مزابنہ سے منع فرمایا ہے ، سوائے اصحاب عرایا کے، ان کو اس کی اجازت دی تھی کہ پھلوں کے ساتھ کھجور کی بیع کریں۔

آنحضرت صلی اللہ علیہ وسلم نے بیع محاقلہ اور مزابنہ سے منع فرمایا ہے ۔ محاقلہ کھیتی میں ہوتا ہے اور مزابنہ کھجوروں میں۔

آنحضرت صلی اللہ علیہ وسلم نے بیع محاقلہ اور مزابنہ سے منع فرمایا۔

آنحضرت صلی اللہ علیہ وسلم نے پھلوں کی کھجور کے بدلے بیع کرنے سے منع فرمایا ہے۔

اسماعیل الشیبانی فرماتے ہیں کہ میں نے درختوں کے سروں کو اس شرط کے ساتھ فروخت کیا کہ اگر زیادہ ہوئے تو ان کے اور اگر کم ہوئے تو ان پر ہیں، پھر میں نے حضرت ابن عمر رضی اللہ عنہما سے اس کے متعلق سوال کیا ؟ آپ رضی اللہ عنہ نے فرمایا : آنحضرت صلی اللہ علیہ وسلم نے اس سے منع فرمایا ہے۔ صرف عرایا میں اس کی اجازت دی ہے۔

آنحضرت صلی اللہ علیہ وسلم نے بیع محاقلہ اور مزابنہ سے منع فرمایا ہے۔

حضرت نافع فرماتے ہیں کہ محاقلہ کھیتی میں ایسا ہی ہے جیسے مزابنہ کھجور میں۔

آنحضرت صلی اللہ علیہ وسلم نے بیع محاقلہ اور مزابنہ سے منع فرمایا۔

حضرت ابن عباس رضی اللہ عنہما سے پوچھا گیا کہ کھجور کی دوسری کھجوروں کے بدلہ میں بیع کرنا جو درخت پر لگی ہو تو کیسا ہے ؟ انہوں نے جواب دیا کہ اگر دونوں کھجوروں کے مابین دینار یا دراہم بھی رکھے جائیں تب جائز ہے۔

ابن عباس رضی اللہ عنہما فرماتے ہیں کہ درخت پر لگی کھجوروں کو کیل کی ہوئی کھجوروں سے بدلنا جائز ہے۔ جب کہ اس میں دس درہم یا دینار رکھ دئیے جائیں۔

نبی کریم صلی اللہ علیہ وسلم نے بیع مزابنہ سے منع فرمایا۔

حضرت وکیع فرماتے ہیں کہ ہم نے مزابنہ کی تفسیر یوں سے سنی ہے کہ درخت پر لگی ہوئی کھجوروں کو کٹی کھجوروں کے بدلے خریدنا، اور محاقلہ یہ ہے کہ خوشہ میں لگی ہوئی سے گندم یا جو خریدنا اور عرایا یہ ہے کہ : کسی آدمی کا درخت ہو ، جس کا وارثت کے طور پر مالک بنا ہوا یا پھر کسی دوسرے کے باغ سے اس نے یہ درخت خریدا ہو۔