مصنف ابن ابي شيبه

حضرت سلم فرماتے ہیں کہ میں نے حضرت محمد بن سیرین سے دریافت کیا کہ ایک شخص نے دو مہینے کے لئے ایک شخص کو سامان فروخت کیا، اور مشتری پر یہ شرط لگا دی کہ اگر اس کو دو ماہ سے قبل فروخت کیا تو ثمن نقد دینا ہوگا ؟ آپ نے فرمایا میں تو اس میں کوئی حرج نہیں سمجھتا۔

ابراہیم فرماتے ہیں کہ آدمی گھر خریدے پھر مشتری بائع سے یوں کہے کہ جب بھی میں اس کے پیسے لے کر تیرے پاس آیا تو وہ تجھ پر رَد ہوگا ، تو یہ شرط باطل ہوگی اور بیع لازم ہوجائے گی۔

ابراہیم فرماتے ہیں کہ بیع میں جو بھی خلاف بیع شرط لگائی جائے تو بیع اس شرط کو منہدم کردیتی ہے۔