مصنف ابن ابي شيبه

حضرت ابن عمر رضی اللہ عنہما کا غلام بدل کتابت ادا کرنے سے عاجز آگیا ، تو آپ نے اس کو دوبارہ غلام بنا لیا اور جو اس سے وصول کیا تھا اس کو اپنے پاس روک لیا۔

حضرت جابر رضی اللہ عنہ فرماتے ہیں کہ جو اس سے وصول کیا ہے وہ آقا کے لئے ہوگا۔

حضرت مسروق رحمہ اللہ فرماتے ہیں کہ اس کے مثل میں رکھیں گے۔

ابراہیم رحمہ اللہ فرماتے ہیں کہ دیکھیں گے کہ جو مال لوگوں نے بدل کتابت کی ادائیگی میں مدد کے لئے عطا کیا تھا وہ غلاموں کے لئے ہوگا اور جو مال اس نے خود کمایا تھا وہ آقا کے لئے ہوگا۔

حضرت مسروق رحمہ اللہ فرماتے ہیں کہ اس کے مثل میں رکھیں گے۔

حضرت شریح رحمہ اللہ فرماتے ہیں کہ وہ اس کے آقا کے لئے ہوگا۔ ابراہیم فرماتے ہیں کہ اس کے مثل (یعنی مکاتب) کو دیں گے۔