مصنف ابن ابي شيبه

حضرت ابن سیرین رحمہ اللہ بلی کی ثمن میں کوئی حرج نہ سمجھتے تھے۔

حضرت مجاہد اور حضرت طاؤس رضی اللہ عنہ بلی کی قیمت کو اس کے فروخت کرنے کو اس کے گوشت کھانے کو اور اس کی کھال سے نفع اٹھانے کو مکروہ سمجھتے تھے۔

حضرت شعبہ رحمہ اللہ فرماتے ہیں کہ میں نے حضرت حکم اور حضرت حماد سے بلی کی قیمت کے متعلق دریافت کیا ؟ آپ رحمہ اللہ نے فرمایا اس میں کوئی حرج نہیں۔

حضرت حسن رضی اللہ عنہ نے اس شخص کے متعلق فرمایا جس نے بلی خریدی آپ نے فرمایا اس کے خریدنے میں کوئی حرج نہیں ہے لیکن بائع کے لئے اس کی قیمت مکروہ ہے۔

حضرت عطا رحمہ اللہ سے دریافت کیا گیا تو آپ نے فرمایا اس میں کوئی حر ج نہیں۔

حضرت جابر رضی اللہ عنہ سے مروی ہے کہ نبی کریم صلی اللہ علیہ وسلم نے بلی کی قیمت سے منع فرمایا ہے۔

حضرت ابوہریرہ رضی اللہ عنہ اور حضرت جابر رضی اللہ عنہ بلی کو فروخت کر کے اس کی قیمت کو وصول کرنے کو ناپسند سمجھتے تھے۔