مصنف ابن ابي شيبه

ابراہیم رحمہ اللہ فرماتے ہیں کہ شکاری کتے کے ثمن میں کوئی حرج نہیں ۔

حضرت عطاء رحمہ اللہ فرماتے ہیں کہ یمنی کتے کی قیمت وصول کرنے میں کوئی حرج نہیں۔

حضرت عطاء رحمہ اللہ فرماتے ہیں کہ اگر تو ہڑکائے کتے کے علاوہ کسی دوسرے کتے کو مار دے تو اس کے مالک کو اس کی قیمت کا جرمانہ ادا کر۔

حضرت محمد بن یحییٰ بن حبان رحمہ اللہ فرماتے ہیں کہ لوگ ( فقہاء کرام s ) ( کتے کو مارنے کی صورت میں ) چالیس درہم کا فیصلہ فرمایا کرتے تھے۔

حضرت عبد اللہ بن عمرو رضی اللہ عنہ رضی اللہ عنہارشاد فرماتے ہیں کہ شکاری کتے کو مارنے کی صورت میں چالیس درہم لازم ہے، اور مویشیوں کے کتے میں ایک بکری، کھیتی باڑی والے کتے میں کھانا تقسیم کرنا ہے اور گھریلو کتے میں مٹی تقسیم کرنا ہے جس نے مارا ہے اس پر لازم ہے کہ وہ دے اور کتے کے مالک پر لازم ہے کہ وہ وصول کرے۔

ابراہیم رحمہ اللہ فرماتے ہیں کتے کی قیمت وصول کرنے میں کوئی حرج نہیں ہے۔