مصنف ابن ابي شيبه

حضرت ابن ابی ملیکہ فرماتے ہیں کہ قرآن مجید کی آیت : { وَلَنْ تَسْتَطِیعُوا أَنْ تَعْدِلُوا بَیْنَ النِّسَائِ وَلَوْ حَرَصْتُمْ } ” اگر تم چاہو بھی تو بیویوں کے درمیان عدل کی طاقت نہ رکھو گے “ حضرت عائشہ رضی اللہ عنہا کے بارے میں نازل ہوئی۔

حضرت عبیدہ فرماتے ہیں کہ قرآن مجید کی آیت : { وَلَنْ تَسْتَطِیعُوا أَنْ تَعْدِلُوا بَیْنَ النِّسَائِ وَلَوْ حَرَصْتُمْ } ” اگر تم چاہو بھی تو بیویوں کے درمیان عدل کی طاقت نہ رکھو گے “ سے مراد محبت اور جماع ہے۔

حسن فرماتے ہیں کہ قرآن مجید کی آیت { فَلاَ تَمِیلُوا کُلَّ الْمَیْلِ } محبت کے بارے میں اور { فَتَذَرُوہَا کَالْمُعَلَّقَۃِ } جماع کے بارے میں نازل ہوئیں۔ کہ وہ عورت نہ تو کنواری ہو اور نہ شادی شدہ۔

حضرت ابن عباس رضی اللہ عنہما قرآن مجید کی آیت { فَتَذَرُوہَا کَالْمُعَلَّقَۃِ } کے بارے میں فرماتے ہیں کہ اس سے مراد یہ ہے کہ عورت نہ تو طلاق یافتہ رہے اور نہ ہی خاوند والی رہے۔